شهادة من الإتصالات السعودية في الأمن المعلومات

الكورس دة صغير فبدل الSave تدخل و تخلصوا مش هياخد معاك ٣ ساعات

< — الكورسات السابقة — >
(١)
كورس في “اساسيات التسويق الرقمي” بشهادة من شركة “جوجل”
(٢)
مبادرة “مليون مبرمج عربي” بشهادة موقعة من وزير دولة الإمارات للذكاء الإصطناعي و فرصة الحصول علي منحة النانو ديجري

لو مشوفتش الكورسات دي هتلاقيها علي هاش تاج #كورسات_دوب

< — كورس اليوم — >
كورس صغير ولطيف عن الامن المعلوماتي بيكلمك ازاي تحمي نفسك من الهاكرز .. المهم ان اي شركة بتحب جدًا ان الشخص اللي هتوظفوا يكون واعي وعندوا القدرة علي حماية اسرار الشركة و عملائها اللي ممكن تتسرب بقصدة او بدون قصد فالكورس دة مهم و هيخليك واعي اكتر بمفهوم “المكتب النظيف” و معرفة رسائل التصيد .. إلخ

<– معلومات الكورس –>
اسم الدورة : أمن المعلومات
مقدمة من : الإتصالات السعودية
المنصة : دروب
لغة الدورة : العربية
سعر الدورة : مجانًا
ساعات التدريب : ٣ ساعات
شهادة؟ : نعم ، مقدمة من دروب و الإتصالات السعودية

<– كيف ابدء –>
الموضوع سهل مجرد عمل حساب علي منصة “دروب” و البدء في الدورة

من هنا

البدء في الدورة و حل التمارين بعد كل درس
بعد الإنتهاء من دروس الوحدة في اختبار علي الوحدة كلها و هو امتحان صغير بس عدد المحاولات فية ٣ بس ..
بعد الإنتهاء من كل الوحدات و اختباراتها هيكون فية الاختبار النهائي لازم تعدية بنسبة معينة ( ٧٠% علي ما اتذكر)

<– الشهادة –>
خلصت الإمتحان بنجاااح مبرروووك
هتتأكد من صفحة الإعدادات هتلاقية بيطلب منك اسمك ثلاثي بطريقة بسيطة بالعربية و الإنجليزية عشان تظهر عندك في الشهادة ..

علشان انا صريح
الشهادة مهمة بالنسبة لأي شركة اي كان مجالها و مطلوبة علشان الموظف يكون واعي بأمن المعلومات … لكن

الكورس مش بيتكلم عن أمن المعلومات بتعمق هو بيكتفي بس بالمعلومات اللي بيحتاج معرفتها موظفين الشركة ..

لكن بالنسبة للي عندو فكرة مسبقة و متعمقة في الأمن المعلوماتي ذي حلاتي كدة هيلاقي المعلومات سطحية جدًا جدًا …

ودة لا ينفي اهمية المعلومات الموجودة في الكورس للي ناس اللي معندهاش اي فكرة ..

بإختصار ..
الكورس مهم جدًا ومطلوب لأي شركة .. و للشخص اللي عايز يتعمق في الموضوع فلا تكتفي بدة ابدًا

بس كدة … الكورسات اللي فاتت و اللي جاية هتلاقيها علي هاش تاج

■ لو في اي سؤال سيبوا في كومنت او رسالة …

تحياتي … حسين عامر