سارة درويش

سارة درويش و صحة نفسية

انا ( ساره درويش ) هكون معاكم كل يوم أحد وأربع الساعه ٧ ونص  في فقره عن  الصحة النفسية  في مقال او في شكل فديو 

هحكيلكم شويه عني وعن كل انسان مره بنفس تجربتي

حياتي ملياااانه مطبات من أول ما أتولدت
شوفت كتير صعوبات ومواقف تحزن ومواقف تبكي
مريت بصدمات كتيييير ؛ خسرت فلوس وكمان نفوس
بكيت كتير واسيييييت كتير وبردو أرجع تاني لدوامه الحياه ؛ اتبسط حبه واحزن حبه وافتكر كل أحزاني

طيب وبعدين لحد أمتي ؟ هفضل عايشه في دوامه الحياه

لحد لما في لحظه من لحظات الجلوس مع النفس

سئلت نفسي سؤال أنا جيت الدنيا ليه ؟ أكيد مجتش كدا وخلاص ؛ اكيد جيت عشان لحاجه لسبب ما ….

وابتديت أفكر واغوص في رحله البحث عن( الذات )
وازاي أن الله عز وجل خلقنا كلنا لهدف او رساله في الحياه

وإن دورنا نقوم بالبحث عنها ( الرساله ) وتنفيذها في أرض الواقع
ومن هنا كانت نقطه انطلاقي لرحله التغير من الحياه التقليديه لحياه تانيه ذو قيمه وهدف ومعنى ورساله

وبجد فعلا أتأكدت أن … الأزمات والصدمات الي بيصنعها القدر لينا صنعت عشان نستيقظ من سبتنا … من نومنا العميق ؛ شخصياً…. انا بعشق الصدمات والمرحله الصعبه دي لأن لولا الصدمات مكنتش فكرت أني أبحث عن نفسي وأغير من ذاتي وأشوف ايه هي رسالتي في الحياه

في ناس بتعيش حياتها وتموت من غير ما تعرف هي كانت عايشه ليه ؟ احساس بشع
وفي ناس بيعدي وقت طويل من عمرها و في لحظه
اليقظه مع النفس بتفوق وبتعرف رسالتها ايه بس بعد فوات الأوان
فلو أنت لسه في مرحله النوم العميق  الضياع والتشتت
وعايز تعرف رسالتك ايه وتشتغل عليها … اسئل نفسك الاسئله دي وفكر كويس فيها ….
1) ايه الأثر الي نفسك تسيبه قبل ما ترحل من الحياه
2) ايه العمل الي لو قمت بيه تعتبره قيمه بالنسبة ليك
3)ايه العمل الي بيشعرك بسعاده حقيقيه

ابعد عن كل حاجه وخصص وقت للإجابة …
خد بالك ممكن ربنا يبعتلك أشخاص واحداث تكشفلك عن رسالتك في الحياه خليك فايق ومركز

اربط حياتك برسالة وشوف قد ايه هيكون ليها طعم وتأثير على صحتك النفسية بشكل تاني

بواسطة | سارة درويش

الوسوم

مقالات ذات صلة

زر الذهاب إلى الأعلى
إغلاق
إغلاق