اهم الاسئلة الى بتجيلى هى ابدأ منيين و بأيه

من اهم الاسئلة الى بتجيلى هى ابدأ منيين و بأيه!

عاوز ابدأ و مش عارف!

من اهم الخطوات الى نعملها علشان نبدأ اى حاجة فى حياتنا، اننا نبدأ نغير فى عادتنا!

تقيبا الكلام ده قلته 115 مرة قبل كده لحد ما الناس زهقت.

طيب هتغير فى عاداتك ازاى!

هنعمل حاجة جديدة، هتغير فى ميعاد صحيانك من النوم، تنزل جيم ، تكتب، اى حاجة مفيدة و اهمها طبعا انك تتعلم حاجة جديدة!

طيب هتتعلم ايه!

اتعلم اى حاجة عندك فضول تتعلمها، متعلقة بمجالك، بهواياتك، بحاجة نفسك تتخص فيها!

فكر كده مع نفسك و شوف

هات ورقة و قلم و اكتب ايه الى بتحبه و ايه عاوز تتعمله!

موسيقى! ادارة وقت مثلا! تسويق! عاوز تتعلم ايه!

خلاص حددت انت عاوز تتعلم ايه!

تعااالالى

تفتكر بقى هتعمل ايه علشان تبتدى تتعلم المهارة دى!

1- طبيعى كده انك تقرأ عنها، شوية معلومات عن بدايتها و عن اصولها و عن الافرع بتعتها. شوية فديوهات بتشرحها (صح كده)

Fundamental knowledge

2- متفكرش غير فيها، نام و قوم و كل و اشرب و انت بتفكر فيها، ده هيخلق فيك الفضول و ديما الحماس انك تعرف كمان و هتبعد جدا عن التسويف

Obsession

3- شوف ناس بتحب نفس الحاجة، دور على ناس بتشتغل فى نفس المهاراة دى او بتمارسها، انشغل بيهم و ادخل ما بينهم، شوف كل حاجة على الطبيعة

Engagement+Network

4- شوف مثل اعلى ليك، شوف احسن واحد فى العالم بيعمل المهارة دى او مشهور بيها

و عيش معاه بقى، شوف بدأ ازاى و بيعمل ايه! و اقرأ عن قصة حياته!

و اوعى تقارن بينك و بينه بعد ما هو وصل بعد سنيين طويلة!

انا بقولك خليه مصدر الهام ليك، تحفيز ليك

Role Model

5- التدريب التدريب التدريب

اهم حاجة تعملها لشان تتقن اى حاجة ف الدنيا هى انك تتدرب على المهارة دى، او الشىء ده

Practice makes perfect

جرب الخطوات دى كلها، كل خطوة تديها شوية وقت لحد ما تدخل المود بتعها. مش كل دول تعملهم فى يومين و تقولى منفعش!

الاستمرارية و الاصرار متنساش


كتب بواسطه رانيا ليله