رانيا ليلة

إزاى نتغلب على الخوف من مهارة الخطابة!

سؤال ديما على بال الناس.

إزاى ابطل خوف و قلق من انى اواجه الناس، و ابص فى عيونهم و انى افتكر كل كلمة بقولها.

فى فيديو ليا، بشرح فيه خطوات تتبعها علشان تخلص من الخوف و القلق ده، بس مش بنسبة 100%

عارف ليه!

لان الخوف ده صفة اساسية جوانا، كل الى نقدر نعمله، اننا نقلل من الخوف و نظبط طريقة رد فعلنا فى المواقف دى.

طيب ايه الخطوات دى!

1- اول حاجة تقدر تتحكم فيها و هتلغى نسبة كبيرة جدا من خوفك، هى طريقة التنفس. اتنفس كويس، التنفس العميق، الطريقة مشروحة فى الفيديو.

اللينك فى اول كومنت

2- تقبّل فكرة انك هتعمل اخطاء، عادى يعنى  فكرة ان تتقبل اخطائك، هتقلل من توترك.

لانك بتبقى داخل و انت عاوز تبقى (ممتاز و لا غلطة) و دة مش بيحصل.

3- اى فرصة تقدر تقوم تتكلم فيها، اتكلم، اتكلم فى اى حاجة. دى كلها انواع من التدريب على التحدث امام جمهور.

4- اشرب ميه. زجاجة الميه صديقك المفضل. لانها بتساعد على تقليل التوتر مع انك اصلا من كتر الكلام ريقك بينشف.

5- التدريب التدريب التدريب

الممارسة هى الاساس، على عدد المرات الى هتمارس فيها مهاةر الخطابة، هتعرف تتكلم كويس جدا و بثقة و هتقلل كمان التوتر و القلق.

6- خليك مع ناس بتحب نفس المهارة دى. نادى Toastmasters الدولى من اهم الاماكن الى تقدر تمارس فيها مهارة الخطابة.

و اخيرا

التوتر و القلق بيجيوا من قلة الخبرة، مجرد انك نويت تبدأ و تدور و تتعلم و تتدرب، يبقى انت خلاص حليت الموضوع.

المهارة مكتسبة و ليست فطرة .

كتب بواسطة | رانيا ليله

الوسوم

مقالات ذات صلة

زر الذهاب إلى الأعلى
إغلاق
إغلاق