رانيا ليلة

كل واحد منا له اهدافه اللى عاوز يحققها Smart Goal .

محدش بيعرف يعيش من غيرعلى الاقل يكون له حلم او هدف نفسه يتحقق.

بس السؤال! هل الاهداف دى صالحة اصلا!؟

مش خيالية مثلا!

طيب ناوى تحققها سنة كام؟

كل دى حاجات المفروض تفتكر فيها و انت بترسم هدفك علشان تحققه.

من الاخر خليه كده هدف: Smart

ايه! مش عارف ايه هوال Smart Goal

طيب، خليك معايا

SMART

اول حرف وصف لكل حاجة لازم تبقى موجودة فى الهدف بتاعك

اول حاجة:

S for Specific

لازم الهدف بتاعك يبقى محدد. متقولش انا عندى هدف فى حياتى و انت لسه اصلا محددتوش و متعرفوش.

و متقولش عاوزة اعمل كذا و كذا و كذا.

هدف واحد محدد، هينظم الدنيا و ينظملك خطواتك لتحقيقية.

M for Measurable

لازم يبقى له مقياس. مش اى حاجة و فى اى وقت، عّرف هدفك و شوف هتحققه ازى و حط خطه و كل فترة قيسه! و قيس تقدمك فيه بالزمان و المكان لو قدرت.

A for Attainable

اما تيجى تحط هدف لازم يبقى ممكن مش من المستحيلات يعنى

تقدر تحصل عليه!

متقولش عاوز اطلع القمر كمان يومين و تضايق انك مش عارف تحقق الهدف!

ايه ده؟ هتعرف تطلع القمر كمان يومين!!

R for Relevant

لازم الهدف بتاعك يكون متعلق بتخصصك او بحاجة بتحبها او بهوايتك، حاجة تخصك و تخص حياتك.

متبقاش فى كلية اداب مثلا و تقول عاوز اطلع دكتور تخدير!!

هدفك لازم يبقى متعلق بشخصيتك او تخصصك او هواياتك او شغفك

T for Time Based

عامل الوقت مهم جدا فى العملية دى. حدد هدفك و قسمه و حدد وقت معين تحققه فيه!

متسبش الدنيا مفتوحة. حدد وقت و التزم بيه.

كأنه Deadline كده

انك يبقى ليك هدف فى حياتك مهم جدا لتقدمك و تطورك.

محدش بيعرف يعيش ككائن هلامى كده من غير هدف!

بس الهدف له خصائص علشان يبقى واقعى و تعرف تحققه.

اهدافك لازم تكون محددة و تعرف تقيسها و مش خيالية و تبقى متعلقة بتخصصك و كمان لها وقت معين محدد لتحقيقها.

تابعونا علشان هنتكلم عن مهارات تهمكم

بواسطة | رانيا ليله

الوسوم

مقالات ذات صلة

زر الذهاب إلى الأعلى
إغلاق
إغلاق