رانيا ليلة

مفاتيح النجاح

النجاح مش كلمة ، النجاح عملية متكاملة الاركان.

Success is a concept

النجاح مش نتيجة، النجاح خطوات فوق بعض زى المكعبات كده الى بتوصلها ببعض و تضعها فوق بعض علشان تكمل صورتك.

طيب نعمل ايه علشان نوصل للكونسبت ده.

خطوات بسيطة و الله ان شاء الله

بس بلاش تستسهل ، الخطوات سهلة جدا، انما المثابرة و الاستمرارية عاوزة مجهود.

1- Passion

الى يقولك مش مهم ابدا الشغف………!!

متقولش حاجة  إفضل ساكت.

كفاية انك تبقى مصدق ان فى فرق السما و الارض بين انك تعمل حاجة بتحبها و انك تعمل حاجة مش بتحبها.

2- Communication

التواصل مهم جدا فى نجاحك. طريقة تواصلك مع الناس طريقة كلامك و توصيلك لرسالتك، و فهمك كمان للناس بتأسس فيك حاجات كتير بتبنى نجاحك.

3- Pushing

ساعات بنحس بزهق، و برغبة اننا نقف بقى كفاية تعبنا. اوعى تقف و اوعى تزهق، كمل و اضغط على نفسك. انت قربت. لو زهقت خد راحة بسيطة و لفترة قصيرة و ارجع تانى كمل.

4- Helping

ساعد الناس فى اى وقت و اى مكان، خلى ديما تفكيرك انك تدخل اى مكان علشان تفيد الى جواه مش علشان تاخد منهم. فكر كده و هتشوف حاجات جميلة اوى و هتحس باحساس له طعم مختلف.

5- Persistence+ Determination

طبيعى اننا هنغلط فى محاولاتنا، و الطبيعى اكتر اننا هنفشل كتير، اوعى تنسحب او تزهق. ارجع حاول تانى. نجاحك بيتقاس بعدد المحاولات الفاشلة الى عملتها.

6- Ideas

الافكار لها تأثير كبير جدا على حياتك و نجاحك. الابداع مهم. بس مش كل الابداع مهم و مش كل الابداع، ابداع على فكرة.

ديما تحاول انك Stretching your mind

ده هيديلك طاقة و مجموعة افكار و حلول لاى مشكلة ممكن تقابلها ، وهيساعد تحقق ببساطة كل الى انت عاوزة.

اخيرا علشان توصل للى انت عاوزة لازم تتعب و تمشى طريق طويل، بتقاوم فيه نفسك، بتقاوم المؤثرات الخارجية الى بتأثر سلبا على حياتك و تفكيرك، بتبعد عن اى الهاء عن طريقك الى رسمته.

بواسطة | رانيا ليله

الوسوم

مقالات ذات صلة

زر الذهاب إلى الأعلى
إغلاق
إغلاق