مهارة التواصل مهارة اساسية فى حياتك العملية و الحياتية.
مهارة التواصل الصحيح من اهم اسباب النجاح و فى نفس الوقت من اكبر مشكلاتنا و انا عارفة انك عارف كويس ان التواصل مهم، بس مش عارف تتواصل كويس مع اصدقائك، مع عائلتك ، مع حتى شريك حياتك.
انت بتقرأ كتير عن مهارة التواصل بس لاسف مش عارف تتطبقها كويس كل ما تقرأ حاجة مش بتطلع زى ما انت مذاكرها او عارفها.
و بتقول ديما الناس مش عارفة تفهمنى بتفهمنى غلط!
الناس مش طيبة زيي، او حتى الناس بقت غبية ليه كده و شغلى يا ابنى موسيقى ذئاب الجبل
الموضوع باختصار انك لازم تعرف اننا كلنا مختلفين عن بعض كل واحد فينا له شخصيته، له وسائله فى الاقتناع و الفهم، له وسائله و طرقه فى حتى توصيل المعلوم او العمل او العصبية او اى حاجة فى الدنيا.
يبقى اول خطوة اننا لازم نتعرف اكتر عن انواع الشخصيات علشان نعرف نتواصل كويس ! مش كده و لا ايه؟! فى اربع انواع من الشخصيات : · Collaborator · Contributor · Inquisitor · Director
معرفة انواع الشخصيات لتنمية مهارة التواصل
المتعاون -Collaborator
و ده كده المخ الى فى المكان، الى بيحب يدى نصايح و بيحب يعمل فيها واعظ. مش استعراض هو فعلا بيحب كده. بيحب ان الناس كلها تبقى متحمسة و ايجابية.
ده بيحب ديما يقدم افكار، افكاره لا تنضب و ده بيخلى عنده حته تشتت كده.
لانه كل ما يجيى يمشى فى طريق هدفة
تجيله فكرة يجرى وراها
و ده بيخليه بطىء شوية فى تحقيق اهدافه.
Contributor – المساهم
النوع ده ظريف جدا
ديما بيحاول يلطف الجو حواليه. مش بيحب المشاكل. و ديما كتوم بيضايق و بيتعصب بس بيكتم جواه علشان يحافظ على سلامة الجو النفسى حواليه. مستمع جيد جدا و بيحب ديما انه يتكلم مع ناس قليلة مش بيحب يكون بين ناس كتير.
انواع الشخصيات لتنمية مهارة التواصل: المحقق – Inquisitor
و ده بيعتبر من احسن الانواع فى التواصل
لانه بيستخدم المشاعر بس الحقائق اكتر فى حكمه على الامور.
علشان كده كل قراراته صحيحة لانها مبنية على اسس صحيحة.
مستمع جيد، بس علشان يعرف انت عاوز ايه! كلامك مقنع و لا لاء! عاوز تقنعه!
او تتكلم معاه، يبقى تخلى بالك جدا من الدلائل و التفاصيل الصغيرة.
المدير- Director
ايوة يا مدير! مطلعش اسم دى صفة فعلا.
النوع ده بيحب السيطرة على كل الامور الى حواليه
و هو عامة عصبى بزيادة.
يعنى تجيب من الاخر معاه هو فعلا مدير بيتهم بكل حاجة حواليه بالتفاصيل.
بيخطط و بينفذ بسرعة مخيفة.
و ده طبعا مقلق لكل الى حواليه
لان ممكن قراره يون خاطىء.
بس بالنسبة له هو فكر و خطط و قرر و نفذ.
تتواصل معاه بالحقائق و الاحصائيات و هاتله من الاخر الاول.
اعرف انت ايه من الشخصيات دى!
اعرف نفسك كويس و بعيدن اعرف غيرك.
هتلاقى التواصل بينك و بين الناس بقى سهل. انت فاهمهم و هما فهموك.
و الانواع دى بنسميها:
The Primary Styles of Communication
بواسطة | رانيا ليله
اقرأ ايضاً:
انماط الشخصية التسعة : اتعرف علي نفسك وشخصيتك
كيفية تعلم الانجليزية من خلال مكتبة السفارة الامريكية
تعلم اللغة ألاسبانية للمبتدئين مقدمة من قناة طليق 2020