محمود غزلان و دى فقرة وزير ال PR

= مساء الفل عليك يا جميل ياللى بتحب تطور نفسك دايما..

عااامل ايه النهارده؟!

انا محمود غزلان ودى فقرة (وزير ال PR)…

 

فى الفقرة دى انا هغطى كل الأفراد الموجودين معانا سواء واحد لسه مبتدأ فى المجال او واحد دايس فى المجال من فترة او واحد عايز يبدأ فى المجال بس مش عارف ابدأ ازاى انا هاخد ب ايدك واحده واحده لحد ما تبقا PR عالمى ان شاء الله

 

والبوست ده بما انه اول بوست للفقرة هنا على الجروب الجديد ف هيكون فيه مفاجأه فى نهايته..

اقرأ البوست للاخر عشان تحصل اعلى استفاده ممكنه وبعد كده تعمل شير للبوست ومنشن لاصحابك عشان يستفيدوا وفى الاخر خالص تشوف الداتا ..

 

يالا بينا نبدأ…

=================================

 

  • عمرك سالت نفسك يعنى ايه PR او مين فرد ال PR ده فى الشركه اللى بتشتغل فيها او التيم التطوعى اللى عندك ف الكليه؟!

 

= لو مهتم بالتطوير من نفسك ف انت غالبا اكيد مهتم تعرف فعلا ايه هو ال PR ده

 

فقره جديده كل اسبوع الساعه 9م .. كل اتنين وخميس بإذن الله

 

هتكون بمعلومة جديده او ب زى ما بحب اسميها .. ب زتونه جديده جدا فى المجال حاجه تطورك وتحسن منك للأفضل بإذن الله

 

نبدأ بحاجه بسيطه النهارده عشان ننتعش كده شويه

======================================

ال PR أو العلاقات العامة او ال Public relations

 

= الاسم يخض شوية تحس انك داخل على وزارة الخارجية حاجه فخمه كده .. الموضوع ابسط من كده بص يا ريس .. العلاقات العامة دى موجودة فى أى مؤسسة من اول النشاط الطلابى لحد المؤسسات الحكومية والخاصة وحتى المؤسسات الدولية..

 

  • مهمتها ايه اللجنه دى او الاشخاص اللى بيطلق عليهم PRains ؟!

 

أعضاء اللجنة دى بيمثلوا حلقة وصل بين المؤسسة اللى شغالين فيها والمجتمع الخارجى .. بيمثلوا مؤسساتهم ويعرضوا أفكارها والايفنتات اللى بتعملها (لو تيم تطوعى) والحاجات اللى تميزها عن غيرها وتحسن صورتها عند العملاء وتوصل وجهات نظر العملاء ومدى رضاهم عن المؤسسة أو عدم رضاهم عنها..

 

(فى الفرق التطوعية)

 

هما الأفراد بيخلصوا أي اجراءات او تصاريح خاصة بأى ايفينت بيتعمل (تصريحات الامن وما الى ذلك) .. وهما اللى يتفقوا على الاسبيكرز اللى موجودين فى يوم الايفنت وهما اللى لهم علاقة بالتواصل معهم وتواجدهم من بداية اليوم و هما اللى منهم بيكون Host الايفنت وهو الشخص اللى بيقدم ال speakers فى الايفنت (الا اذا الايفنت قرروا يجيبوا Host من خارج المنظمة أو المؤسسة خالص  فى الحاله دى تمام)

 

ولما بيكون فى booth او حملة هما اللى بيعرفوا الناس على الموضوع وبيحاولوا يوصلوا لهم الكلام ده بطريقة جذابة ومقنعة في نفس الوقت (يعنى بيستخدموا ماركتنج الاوفلاين شويه) .. فرد البى ار ببساطه فى الجزء ده بيخلى اللى قدامه ميملش وف نفس الوقت مقتنع بفكرته ويوضحها له بكل بساطة وكل واحد وطريقته الانسب فى التواصل معاه .. هو بيكون فرد دارس كويس (Soft skills) وعارف كويس ازاى يطوعها فى خدمته فى تخليص وإنجاز مهامه

 

عضو ال PR بيكون صورة للتيم قدام المجتمع .. عشان كده مش اى حد ينفع يبقى <pr member> او اى فرد فى لجنة الـ PR بصفة عامة .. انت اه تقدر تحسن نفسك دايما وتتقابل فى اللجنه بس انت لو اختارت اللجنة دى لازم تبقى متأكد أنك شخص عندك ايمان انك هتتغير لو فيك صفات مش لطيفه مثلا او صفات مش حاببها فى نفسك

 

=طب الكلام ده زى الفل .. عشان ابقى بى ار ميمبر دى اعمل ايه بقا ولو عايز ابقا PR اصلا بعد ما اتخرج واتعامل واعمل علاقات كتيره فى شركات ومؤسسات بقا اعمل ايه ؟!!

 

-أقولك

 

أولا لازم تكون شخص اجتماعي لبق في الكلام .. مش بتتكسف .. بتعرف تعرض أفكارك بطريقة منظمة مشوقة مفهاش ملل .. عندك امكانيه على تطوير نفسك

 

حتى لو الصفات دى مش عندك لكن انت تكون مؤمن أن الظروف اللى تتيح لك الصفات دى تقدسها و تتعلمها منها يعنى ببساطه انت تقدر تكتسب صفات انك تكون PR

 

ويكون عندك مهارة الاقناع (Negotiation) ودى Business و تمويل.. ال PR اللى بيميزه عن اى حد تانى .. زى ما بيقولوا “ممكن يبيع الهوا ف ازايز”

 

ويكون عندك مرونة في التعامل (Flexible) .. يعرف طريقة العرض والإقناع اللى تناسب كل شخصية .. مش مجرد انه حافظ كلمتين و بيسمعهم لا أنت شخص تعرف تدير أمورك كويس و واعى بكل كلمة تخرج منك كويس اوى اوى اوى

 

وعيب أوى لما تكون بتعرف تتكلم وتعرف تقنع اللى قدامك وانت معندكش معلومات كفاية عن الموضوع اللى بتتكلم عنه .. دى نقطة مهمة جدا لازم يكون عندك معلومات وتكون قريت كتير عن الموضوع اللى انت بتعرضه عشان كمان تعرف النقاط الايجابية والسلبية اللى فيه وتعرف ترتب طريقة كلامك ازاى (Data base) و (Networking)

 

  • حلو الكلام والموضوع شكله مفيد وانا تقريبا انفع فيه .. بس هو انا هستفاد ايه لما ادخل كومتى ال pr ؟!

 

– سؤال حلو … ممكن اقولك ان ال (pr member) هو اكتر واحد يقدر يستفيد ف التيم .. لأنه بيتعامل مع زمايله في التيم وبيتعامل مع ناس كتيره من بره التيم  فبيقدر يعمل شبكة علاقات قوية تضيف له من الناحية الشخصية والعملية والعلمية .. ببساطه ده شغل مصغر عن شغل الشركات انك تكون فرد pr معناه انك شخص قد المسؤوليه اللى هيتحط فيها معناه انك بتعافر لإثبات نفسك للافضل دايما .. معناه انك شخص ناضج فكريا جدا وده بيهم الشركات .. بيحب الناس اللى بتفهم وبيحبوا يشغلوهم معاهم

 

= فرد ال PR بيحسن طريقة تعامله مع الناس وكمان ال soft skills بتاعته تزيد باستمرار (Self development)

 

-دلوقتى اقدر اقولك ان ده ملخص كويس يديك صورة عامة عن شغل ال PR  ويخليك تعرف تقرر اذا كنت حابب تدخل الكومتى دى ولا لا .. بس اعتقد ان ان شاء الله انت لو حسيت انك مبسوط وانت بتقرأ المعلومات دى ف انت تكون متأكد انك لما تدخل الكومتى دى هتبدع فيها وتطلع كل اللى جواك فيها فعلا ..

 

ده كان مختصر بسيط عن ال PR مختصر بسيط جدا جدا .. عالم الـ PR واسع جدا جدا فيه ابحار وتعمق اكتر من كده ..

 

لو عايز تفهم اكتر عنه تابع البوستز كل اسبوع فقره جديده بعنوان (وزير ال PR)

 

فى نفس الميعاد يوم الاثنين والخميس من كل اسبوع الساعه 9م .. هتلاقى بوستين كل اسبوع عن حاجه جديده فى المجال .. دى كان مجرد مدخل بس واللى جى بعد كده اقوى بكتير بإذن الله

 

=====================

  • المفاااااجأه بقا (تجميعة داتا ضخمه جدا جدا لاعظم الناس اللى بيقدموا محتوى على السوشيال ميديا) ..

انا شغال ليا اسبوعين على داتا تجميع مجموعه عظييمه جدا جدا من الاشخاص الافضل فى عالم السوشيال ميديا اللى بيقدموا اعظم محتوى ممكن تشوفه بجد فى مختلف المجالات (ماركتينج – سيلز – اتش ار – بى ار -الخخخ.) ..

والناس دول كلللهم انا مجمعهم فى مكان واحد وفى لينك واحد لما تطلبه فى كومنت هبعته لك

 

ربنا يقدرنى على كل الأعمال وتكون خااالصه لوجه الله واقدر اساعد على قد ما اقدر

 

====================

دلوقتى المطلوب مننا ايه بقا  (اننا نعمل منشن لكل صحابنا عشان يستفيدوا من الفقرة ومن تجميعة الداتا دى (انا تعبت فيها فعلا) + انك تعمل شير للبوست ده عشان الفايده توصل لاكبر قدر ممكن من الأشخاص  + انك تطلب الداتا طبعا + انك تقولى رايك فى الفقرة + مين متابع باقى بوستات الفقرة اللى جايه كلها )

 

يالا منشن لصحابك اللى نفسهم يتعلموا مجال ال PR

وطبعا لو عندك اى سؤال سيبه وانا معاك هساعدك بأذن الله

 

كتبه | محمود غزلان