محمود غزلان

اقنعنى اشتري موبايلك وانا معايا IPhone 8 Plus فى جيبى!!

  • اقنعنى اشتري موبايلك وانا معايا IPhone 8 Plus فى جيبى!!

لو لسه جديد و اول مقالة تقرأه ليا فى الفقرة وعايز تعرفني اكتر اضغط علي اسم الاكونت بتاعى هيظهر لك كل البوستات بتاعتى فى الجروب اقرأها كلها هتفيدك ان شاء الله وهتعرف الفقرة بتاعتي اكتر منها .. المهم انك هتستمتع معايا 

يالا بينا نبدأ..

==============

المره اللى فاتت فى البوست التانى للفقرة عملت حاجه بسيطه زى Poll كده وسيبت مساحه أن كل واحد يختار الموضوع اللى هنتكلم فيه باستفاضة اكتر واكتر ف كان فيه موضوعين دارجين اكتر عن الباقى :

  1. التفاوض (الإقناع) Negotiation
  2. البرمجة اللغوية

والتفاوض كان له الأغلبية في التصويت ف احنا النهارده ان شاء الله هنتكلم فى التفاوض بس هنقسم كلامنا عليه فى بوستين .. واحد النهارده .. والتانى يوم الخميس الجاى الساعه 9م فى نفس الميعاد ان شاء الله 

عشان الموضوع مهم جدا ومحتاج تاخده ب ارتياح كل فتره معلومه عنه ومتحسش ان الدنيا واسعة اوى منك وكبيره..

ندخل فى المهم بقا بسرعه كده 

…….

  • عمرك دخلت طرف فى عملية تفاوض؟!  

اه طرف فى تفاوض سواء انت اللي بتطرح الحاجة اللى بيتم التفاوض عليها او انت اللى بيتطرح عليك الحاجه دى .. عمرك دخلت ؟!

لو اجابتك (ايوه حصل) .. ف انت عارف كويس مفهوم التفاوض ايه .. وانا بقول مفهوم لان المره اللى فاتت قولت ان التفاوض ده علم يدرس

مش مجرد هوب انا معايا كذا كذا تشترى ولا لا (فظيعة فى التفاوض) 

مش ضرورى تكون دخلت تفاوض قبل كده او مدخلتش تعال على طول نبدأ مع بعض من ال Zero 

  • التفاوض ببساطه شديده :محاوله بين طرفين أو اكتر للوصول لاتفاق 

ده المفهوم العلمى .. لكن المفهوم البسيط له بقا عشان مش بنحب العلم والكلام الكبير ده 

  • المفهوم البسيط: انا بقدم خطوة والطرف التانى بيقدم خطوه عشان نوصل لحل وسط يرضيني انا و هو .. اشطا كده ؟!
  • عشان يتحقق التفاوض ده ويبقا اسمه تفاوض فعلا لازم له 3 أعمدة أساسية 
  1. انك تكون حاطط مدى للتفاوض بتاعك على الحاجه اللى بتقدمها:

يعني مثال انا رايح ابيع سلعة لشخص ما .. مش هروح و اقوله ان السلعه ب 15 و هى خلاص كده ب 15 ومستحيل اتنازل على 15 .. لان ببساطه هو عارف سعرها لكن هو طالبك عشان تفاوضوا توصلوا لحل وسط ف انت هنا محتاج مدى لها .. يبقى مثلا من 13 ل 16 ده المدى اللى هامشى عليه اقل من كده مش مقبول و اعلى من كده مرحب بيه .. يبقى ده رقم 1 للتفاوض (مدى التفاوض)

  1. مهم جدا للطرفين يكون موجود  ارضيه مشتركه بينهم :

يعنى مثلا ممكن تكون انت والكرف التاني مختلفين فى السعر او فى طريقة التسليم مثلا .. لكن فيه بينكم ارضيه مشتركه زى مثلا انكم طريقتكم فى التحاور محترمه ف مرحبين بالتفاوض حتى لو اخد وقت طويل بسبب اسلوبكم اللى قريب من بعض ف فيه ارضيه مشتركه هنا و التفاوض لسه شغال ومفيش اى مشكله

  1. الحاجه التالته والمهم بقى جدا : ان الحاجه اللى انت وهو بتتفاوضوا عليها متكونش منتشره .. يعنى ايه منتشره؟!

يعنى موجوده فى كل مكان وكل حته تروحها تلاقيها .. ف انت كده فى الوقت ده مش بتعمل تفاوض لأن التفاوض بيكون على حاجات مش موجوده كتير عشان تحاول توصلها لاتفاق عشان كده مفيش تفاوض على حاجه منتشره

طيب مثال على تفاوض منتشر وغير منتشر :

لو جيت دلوقتى قولت لك تعال عايز ابيع لك المايه اللى موجوده عندى فى التلاجه .. هتستغرب صح ؟! ايه ده انا هستفاد بيها ايه .. عشان انت كمان فى التلاجه عندك فيه مايه 

لكن لو جيت لك فى الصحراء وقولت لك تعال هبيع لك ازازتين المايه الل

وحيدتين اللى فاضلين معانا دول هتقولى اه يااااريت عشان الحاجه هنا مش موجوده ب انتشار ولا بكثرة 

يبقى انت كده عندك تلات اسس لازم تبقى عارفه وانت بتعمل تفاوض كويس اوى زى اسمك 

  1. مدى التفاوض بتاعى
  2. ارضيه مشتركه بيني وبين الطرف التانى
  3. ان الحاجه اللى بتفاوض عليها تكون مش منتشره ولا مش هيبقى اسمه تفاوض

طيب حلو اوى خلصنا الجزء النظرى ده .. فاضل ايه تانى كده ؟!

فاضل اهم جزء بقي وهو التطبيق العملي 

ازاى احضر وابقا متفاوض شاطر اوى اوى واجهز ايه وانا رايح اتفاوض 

■ اول حاجه لازم اكون عارف كويس هدفى من التفاوض ده ايه واكون محددة ك تارجت ليا فى نهاية التفاوض لازم اوصل له + اكون عارف ومحدد كويس الهدف بتاع الطرف التانى ايه و هو ده اللى بيخلينا نصنع (الارضيه المشتركه)

شوفت ازاى كله بيوصل لبعضه .. نركز بقى فى اللى جى

■ تانى حاجه لازم قبل اى تفاوض يكون عندى Plan B .. خطة بديلة عشان لو التفاوض ده منجحش ايه البديل اللى ممكن اعمله + كمان لازم تفكر فى الخطة B للطرف التانى

(كل ما كان عندي خطة بديلة قوية .. كل ما ده ادانى ثقه اكتر فى التفاوض انى لا قدر الله لو منجحش ده معاه ف انا عندى حل تانى ان شاء الله هينجح ) بس برضه مننساش نقوى ال Plan A بتاعتنا كويس اوى

■ ال simulation : يعنى المحاكاة .. انى اتخيل المقابله من قبل ما تحصل .. امسك ورقة وقلم واكتب كل نقطة عايز اتكلم فيها وابدا احط أبعادها بالنسبه ليا .. وكمان اتخيل أبعاد الطرف التانى بالنسبه لها ايه .. واعمل زى تمثيل مع زمايلى او مع اى حد من صحابى وانا بعمل ال Simulation دى بحيث انى اوصل لمستوى كويس جدا فيها عشان اكون مستعد للواقع ..المحاكاة دى هتخليك تطلع حاجات كتير كانت أخطاء فيك وتحسينها كتيررر اوى اوى 

(حضر كويس اوى اوى عشان هتاخد ثقة من التحضير ده مكنتش تتخيلها)

■ كل نقطة حطيتها فى ال List بتاعتك دى لازم تكون حاطط لها حاجتين

” Best “

” Worth “

ال best ده افضل اتفاق ممكن اوصل له .. اعلى من كده مرحب بيه

ال worth ده اقل اتفاق ممكن ارضى بيه .. اقل من كده هرفضه

■ قاعدة ال Win to Win : زى ما انت هتستفيد .. انا هستفيد .. زى ما انت هتكسب انا هكسب .. زى ما انت عايز انا عايز .. الطرفين لازم يخرجوا من التفاوض راضين وسعداء 

ممكن تكون لاحظت اول كلمه فى البوست وغرابتها وتكون هى اللى شديتك انك تكمل القراءة لحد ما وصلت لهنا

طيب دى سر ضمن الاسرار الـ 7 للإقناع اللى هتكلم فيها المره الجايه يوم الاتنين الساعه 9م 

الموضوع شيق جدا لو مهتم وعجبك وضح انك مهتم فى الكومنتز عشان ده هيخلينى اقدم افضل ما عندى بإذن الله فيه ونخلصه يوم الخميس الجاى وندخل فى حاجه جديده بعده 

ولو عندك استفسار سيبه فى كومنت وانا معاك لحد ما تبقا Negotiator مفيش بعد كده  

====================================

متنساش تعمل كومنت ب رأيك فى الفقرة

 

وطبعا البوستات القديمة تقراها كويس جدا جدا وتنتظر الجديد كل اسبوع يوم الاثنين والخميس الساعه 9م اللى منتظر الفقرة ورجوعها بقوة يقولى فى كومنت ..

 

ومتنساش الشير للبوست عشان الاستفاده اهم حاجه عندى وان المعلومه توصل لكل الناس | والمنشن لصحابك فى الكومنتات عشان يستفيدوا  | وعشان المحتوى اللى بنزله ميفوتكش اما تركز تكون موجود يوم الاثنين والخميس دايما او تعمل Follow بحيث يجيلك اشعار بكل حاجه 

 

وهعلمك PR يعنى هعلمك ان شاء الله 

كتبه | محمود غزلان

 

 

مقالات ذات صلة

زر الذهاب إلى الأعلى
إغلاق
إغلاق