قصه نجاح .. ﻣﺎﻳﻜﻞ ﻳﻮﺳﻒ ﻣﻦ ﺍﻟﺒﺪﺍﻳﺔ

مايكل يوسف | Michael youssef

ﺍﻧﺎ ﻣﺎﻳﻜﻞ ﻳﻮﺳﻒ ﻭ ﺩﻱ ﻗﺼﺘﻲ ﻣﻦ ﺍﻟﺒﺪﺍﻳﺔ
ﻟﻼﺳﺒﺎﺏ ﻣﺎﻟﻴﺔ ﻭ ﻇﺮﻭﻑ ﺍﺳﺮﻳﺔ ﺩﺧﻠﺖ ﺩﺑﻠﻮﻡ ﻓﻨﺪﻗﻲ ﻋﻠﺸﺎﻥ ﻛﻨﺖ ﻣﺤﺘﺎﺝ ﺍﺷﺘﻐﻞ ﺑﺴﺮﻋﺔ ، ﺑﻌﺪ ﻟﻤﺎ ﺧﻠﺼﺖ ﺩﺧﻠﺖ ﻛﻠﻴﺔ ﺗﺠﺎﺭﺓ ﻭﻟﻜﻦ ﻻﻗﻴﺖ ﻧﻔﺴﻲ ﻣﺶ ﻣﻘﺘﻨﻊ ﺑﻬﺎ ﻭ ﻛﻨﺖ ﺟﺮﺑﺖ ﺍﺷﺘﻐﻞ ﻓﻲ ﺍﻟﺴﻴﺎﺣﺔ ﻭ ﻻﻗﻴﺖ ﻛﻤﺎﻥ ﺍﻧﻲ ﻣﺶ ﻋﺎﻳﺰ ﺍﺷﺘﻐﻞ ﺟﺮﺳﻮﻥ ﻭ ﺍﻧﻲ ﻣﻤﻜﻦ ﺍﺟﺘﻬﺪ ﻭ ﺍﺑﻘﻲ ﺍﻛﺘﺮ ﻣﻦ ﻛﺪﺍ . ﻛﻨﺖ ﻣﺴﺘﻌﺪ ﺍﺟﺘﻬﺪ ﺑﺲ ﻣﺤﺘﺎﺭ ﻭ ﻣﺶ ﻋﺎﺭﻑ ﺍﻋﻤﻞ ﺍﻳﻪ . ﻓﻜﺮﺕ ﻓﻲ ﻣﺠﺎﻝ ﺍﻟﺒﺮﻣﺠﺔ ﻻﻧﻪ ﻛﺎﻥ ﻟﺴﺎ ﺟﺪﻳﺪ ﺧﺎﻟﺺ ﻭ ﻣﺠﺎﻝ ﺷﻴﻖ ﻛﺪﺍ ﻭ ﻓﻴﻪ ﻓﻠﻮﺱ ﻛﺘﻴﺮ ، ﺑﺪﺃﺕ ﺍﻗﻮﻝ ﻻﺻﺪﻗﺎﺋﻲ ﻭ ﺍﻫﻠﻲ ” ﻋﺎﻳﺰ ﺍﺑﻘﻲ ﻣﺒﺮﻣﺞ ” ﻭ ﻃﺒﻌﺎ ﻛﻢ ﻣﻦ ﺍﻟﻀﺤﻚ ﻭ ﺍﻟﺘﺮﻳﻘﺔ ﻣﻦ ﺍﻟﻜﻞ . ” ﺍﻧﺖ ﺩﺑﻠﻮﻡ ﻳﺎ ﻣﺎﻳﻜﻞ ﻋﺎﻳﺰ ﺗﺒﻘﻲ ﻣﺒﺮﻣﺞ ﺍﺯﺍﻱ؟ ” ، ﺩﻱ ﺳﻤﻌﺘﻬﺎ ﻛﺘﻴﺮ ﻭ ﻛﺎﻥ ﺍﻟﺪﺑﻠﻮﻡ ﻳﺮﻭﺡ ﻳﺸﺘﻐﻞ ﺟﺮﺳﻮﻥ ﺍﻭ ﻳﻨﺘﺤﺮ ﻟﻮ ﻣﺶ ﻋﺎﺟﺒﻪ .
ﺟﺮﺑﺖ ﺍﺧﺪ ﻛﻮﺭﺱ ﻭ ﺳﺒﺘﻪ ﺑﻌﺪ ﺷﻬﺮ ﻻﻧﻪ ﻛﺎﻥ ﺿﻌﻴﻒ ﺟﺪﺍ ، ﻭﻋﺮﻓﺖ ﺍﻧﻲ ﻋﻠﺸﺎﻥ ﺍﺩﺧﻞ ﺍﻟﻤﺠﺎﻝ ﺩﺍ ﻣﺤﺘﺎﺝ ﺍﺫﺍﻛﺮ ﻛﺘﺐ ﺑﺮﻣﺠﺔ ﺑﺎﻻﻧﺠﻠﻴﺰﻱ ﻭ ﻛﺘﺐ ﻛﺘﻴﺮ ﻛﻤﺎﻥ ، ﻋﺮﻓﺖ ﺍﻥ ﺍﻭﻝ ﺧﻄﻮﺓ ﻫﻲ ﺍﻟﻠﻐﺔ ﻭ ﻓﻌﻼ ﺑﺪﺃﺕ ﺍﺟﻴﺐ ﻛﺘﺐ ﺑﺮﻣﺠﺔ ﻭ ﺍﺗﺮﺟﻢ ﻛﻞ ﻛﻠﻤﺔ ﺍﻧﺠﻠﻴﺰﻱ ﻭ ﻃﺒﻌﺎ ﻛﺪﺑﻠﻮﻡ ﻣﺴﺘﻮﻱ ﻓﻲ ﺍﻻﻧﺠﻠﻴﺰﻱ ﺗﺤﺖ ﺍﻟﺼﻔﺮ ﺑﻤﺘﺮ ﻛﺪﺍ . ﺑﺪﺃﺕ ﺍﻋﺘﻘﺪ ﻓﻲ ﺳﻨﺔ 2001 ﻭ ﻓﻌﻼ ﻛﻨﺖ ﺑﺬﺍﻛﺮ ﻃﻮﻝ ﺍﻟﻴﻮﻡ ، ﻣﻜﻨﺘﺶ ﺑﺴﻤﻊ ﻻﻱ ﺣﺪ ﻳﺘﺮﻳﻖ ﻋﻠﻲ ﻭ ﻳﺤﺒﻄﻨﻲ ﺧﺼﻮﺻﺎ ﺍﻧﻲ ﻋﻤﻠﺖ ﻏﻠﻄﺔ ﻛﺒﻴﺮﺓ ﻭ ﺳﺒﺖ ﻛﻠﻴﺔ ﺍﻟﺘﺠﺎﺭﺓ ﺧﺎﻟﺺ ، ﻛﻨﺖ ﺑﺬﺍﻛﺮ ﻃﻮﻝ ﺍﻟﻴﻮﻡ ﻭ ﻣﻔﻴﺶ ﻋﻼﻗﺔ ﺑﺎﺻﺪﻗﺎﺀ ﻭﻻ ﺍﻱ ﺣﺪ . ﻓﻲ ﺧﻼﻝ ﺳﻨﺔ ﻛﺎﻥ ﺑﺪﺃ ﻣﺴﺘﻮﻳﺎ ﻓﻲ ﺍﻻﻧﺠﻠﻴﺰﻱ ﻭ ﺍﻟﺒﺮﻣﺠﺔ ﻳﺒﻘﻲ ﻣﻌﻘﻮﻝ ﺟﺪﺍ ، ﺑﺪﺃﺕ ﺍﺷﺘﻐﻞ ﺑﺴﻴﻂ ﻛﺪﺍ ﻭ ﻓﻲ ﺳﻨﺔ 2003 ﺍﺧﺪﺕ ﺍﻭﻝ ﺷﻬﺎﺩﺗﻴﻦ ﻣﻦ ﻣﺎﻳﻜﺮﻭﺳﻮﻓﺖ ، ﻛﺎﻧﺖ ﻓﻲ ﺍﻟﺒﺮﻣﺠﺔ ﻭ ﻗﻮﺍﻋﺪ ﺍﻟﺒﻴﺎﻧﺎﺕ . ﻭ ﺍﺷﺘﻐﻠﺖ ﺷﻐﻞ ﺍﺣﺴﻦ ﻭﻟﻜﻦ ﻛﻨﺖ ﻟﺴﺎ ﺑﺎﻟﺪﺑﻠﻮﻡ ﻃﺒﻌﺎ ﻭ ﺩﺍ ﻣﺶ ﺳﻬﻞ ﺍﺑﺪﺍ .
ﻻﻗﻴﺖ ﺍﻥ ﻓﻴﻪ ﻧﺎﺱ ﺑﺘﻜﺘﺐ ﻣﻘﺎﻻﺕ ﻋﻦ ﺍﻟﺒﺮﻣﺠﺔ ﻓﻲ ﻣﻮﺍﻗﻊ ﻣﺸﻬﻮﺭﺓ ، ﻭ ﺍﻧﺎ ﻓﻌﻼ ﻛﺎﻥ ﻣﺴﺘﻮﻳﺎ ﻛﻮﻳﺲ ﺟﺪﺍ ﻓﻲ 2003 ﻻﻧﻲ ﻛﻨﺖ ﻣﺠﺘﻬﺪ ﻭ ﻣﺼﻤﻢ ﻋﻠﻲ ﺍﻟﻨﺠﺎﺡ . ﻗﻠﺖ ﻟﻨﻔﺴﻲ ﺍﻧﻲ ﻫﺠﺮﺏ ﺍﻛﺘﺐ ﻣﻘﺎﻝ ﻭ ﺍﺑﻌﺘﻪ ﻣﺶ ﻫﺨﺴﺮ ﺣﺎﺟﺔ ، ﻛﺎﻥ ﺳﺎﻋﺘﻬﺎ ﺍﻋﺮﻑ ﺷﺨﺺ ﻣﻌﺎﻩ ﻣﺎﺟﺴﺘﻴﺮ ﻓﻲ ﻋﻠﻮﻡ ﺍﻟﺤﺎﺳﺐ ﻭ ﻫﻮ ﻛﻤﺎﻥ ﺍﺭﺳﻞ ﻣﻘﺎﻝ ﻓﻲ ﻧﻔﺲ ﺍﻟﻮﻗﺖ . ﻣﻘﺎﻟﻲ ﺍﺗﻘﺒﻞ ﻭ ﻣﻘﺎﻟﻪ ﺍﺗﺮﻓﺾ ﻭ ﻛﺎﻧﺖ ﺻﺪﻣﺔ ﻟﻲ ، ﻭﻛﻤﺎﻥ ﺻﺎﺣﺐ ﺳﻠﺴﻠﺔ ﻣﻮﺍﻗﻊ DevShed ﺑﻌﺘﻠﻲ ﺭﺳﺎﻟﺔ ﻭ ﻗﺎﻟﻲ ﻋﺎﻳﺰﻧﻚ ﺗﻜﺘﺐ ﻣﻘﺎﻻﺕ ﺑﻔﻠﻮﺱ . ﺍﻟﻤﻘﺎﻝ ﺑﺘﺎﻋﻲ ﻗﺮﺃﻩ ﺣﻮﺍﻟﻲ 700 ﺍﻟﻒ ﺷﺨﺺ ﻭ ﻫﻮ ﻣﻨﺸﻮﺭ ﻓﻲ ﻣﻮﻗﻊ devarticles ﻟﻐﺎﻳﺔ ﺍﻟﻴﻮﻡ . ﻃﺒﻌﺎ ﻓﻀﻠﺖ ﺍﺧﺪ ﺷﻬﺎﺩﺍﺕ ﻣﻦ ﻣﺎﻳﻜﺮﻭﺳﻮﻓﺖ ﺍﻛﺘﺮ ﻭ ﺍﻃﻮﺭ ﻣﻬﺎﺭﺍﺗﻲ ﻟﻐﺎﻳﺔ ﻣﺎ ﻭﺻﻠﺖ ﻣﺪﻳﺮ ﻗﻮﺍﻋﺪ ﺑﻴﺎﻧﺎﺕ ﺑﺲ ﻛﺎﻥ ﻻﺯﻡ ﺍﺣﻞ ﻣﻮﺿﻮﻉ ﺍﻟﻜﻠﻴﺔ ﺩﻱ ، ﻓﻲ ﻋﺎﻡ 2006 ﺩﺧﻠﺖ ﺍﺩﺍﺏ ﺗﺮﺟﻤﺔ ﻗﺴﻢ ﺍﻟﺘﻌﻠﻴﻢ ﺍﻟﻤﻔﺘﻮﺡ ﺟﺎﻣﻌﺔ ﺍﻟﻘﺎﻫﺮﺓ ﻻﻧﻲ ﻛﻨﺖ ﻣﺘﺄﻛﺪ ﺍﻧﻲ ﻣﺶ ﻫﺘﻌﺐ ﻓﻴﻬﺎ ﺧﺎﻟﺺ ، ﻓﻲ ﻋﺎﻡ 2008 ﺑﺪﺃﺕ ﺍﻋﺮﺍﺽ ﻏﺮﻳﺒﺔ ﺗﻈﻬﺮ ﻋﻠﻲ ﻭ ﻣﺮﺿﺖ ﺟﺪﺍ ﻟﺪﺭﺟﺔ ﺍﻧﻲ ﺳﺒﺖ ﺍﻟﺸﻐﻞ ﻣﻦ ﺷﺪﺓ ﺍﻟﻤﺮﺽ .
ﻓﻀﻠﺖ ﺍﺭﻭﺡ ﻻﻃﺒﺎﺀ ﻭ ﺍﻋﻤﻞ ﺗﺤﺎﻟﻴﻞ ﻭ ﺍﺷﻌﺎﺕ ﻭ ﺻﺮﻓﺖ ﺍﻏﻠﺐ ” ﺗﺤﻮﻳﺸﺔ ﺍﻟﻌﻤﺮ ” ، ﻭ ﻟﺴﺎ ﻣﻔﻴﺶ ﺣﺪ ﻋﺎﺭﻑ ﻳﻘﻮﻟﻲ ﺍﻧﺎ ﻋﻨﺪﻱ ﺍﻳﻪ ﺧﺎﻟﺺ . ﺍﻋﺮﺍﺽ ﻏﺮﻳﺒﺔ ﺟﺪﺍﺍﺍ ، ﻛﻨﺖ ﻳﺎﺋﺲ ﻻﻥ ﻛﻞ ﺷﻲﺀ ﺿﺎﻉ ، ﺍﻟﺸﻐﻞ ﺿﺎﻉ ، ﺍﻟﻔﻠﻮﺱ ﺿﺎﻋﺖ ﻭ ﺻﺤﺘﻲ ﺿﺎﻋﺖ . ﻗﻠﺖ ﺑﻘﻲ ﺑﺎﻳﻈﺔ ﺑﺎﻳﻈﺔ ﻫﺪﻭﺭ ﻟﻮﺣﺪﻱ ﻓﻲ ﺍﻟﻜﺘﺐ ﻭ ﺍﺗﻌﺎﻟﺞ . ﺍﺗﺨﺮﺟﺖ ﻭ ﺍﻧﺎ ﻛﻨﺖ ﻓﻌﻼ ﺑﻤﻮﺕ ، ﻭ ﺧﻼﺹ ﻗﻀﻴﺖ ﻣﻊ ﺍﻻﻃﺒﺎﺀ ﺳﻨﺘﻴﻦ ﺑﺪﻭﻥ ﺍﻱ ﻧﺘﻴﺠﺔ . ﺑﺪﺃﺕ ﻓﻲ 2010 ﺍﻓﺘﺢ ﻛﺘﺐ ﻋﻦ ﺍﻟﺼﺤﺔ ﻭ ﺍﺷﻮﻑ ﺍﻳﻪ ﺍﻟﻤﻤﻜﻦ ﻳﺘﻌﺐ ﻛﺪﺍ . ﺍﺧﺘﺼﺎﺭﺍ ﻟﻜﻼﻡ ﻣﻤﻜﻦ ﻳﺒﻘﻲ ﻣﻤﻞ ﺍﻛﺘﺸﻔﺖ ﺍﻥ ﻋﻨﺪﻱ ﺗﺴﻤﻢ ﺍﻟﺰﺋﺒﻖ ﻣﻦ ﺣﺸﻮ ﺍﻻﺳﻨﺎﻥ ﻭ ﺩﺍ ﺑﻴﻌﻤﻞ ﺗﺴﻤﻢ ﺑﺎﻟﻨﺤﺎﺱ ﻭ ﻓﻘﺮ ﺷﺪﻳﺪ ﻓﻲ ﺍﻟﺰﻧﻚ ، ﻭﻛﻤﺎﻥ ﺑﻴﺮﻓﻊ ﻧﺴﺒﺔ ﺍﻟﻤﻌﺎﺩﻥ ﺍﻟﺴﺎﻣﺔ ﺍﻻﺧﺮﻱ ﻭ ﻳﻌﻤﻞ ﻣﺸﺎﻛﻞ ﻓﻲ ﺍﻟﻐﺪﺩ ﺯﻱ ﺍﻟﻐﺪﺓ ﺍﻟﺪﺭﻗﻴﺔ ﻭ ﺍﻟﻜﺬﺭﻳﺔ . ﻛﻞ ﻟﻤﺎ ﺍﺭﻭﺡ ﻟﻄﺒﻴﺐ ﺍﺳﻨﺎﻥ ﻳﻘﻮﻟﻲ ﺍﻟﻜﻼﻡ ﺩﺍ ﻏﻠﻂ ، ﺍﻗﺮﺃ ﺍﻻﻗﻲ ﺍﻟﻜﻼﻡ ﻋﻜﺲ ﻛﺪﺍ . ﺍﻟﻤﻬﻢ ﻓﻴﻪ ﻋﺎﻟﻢ ﻛﻴﻤﻴﺎﺋﻲ ﻣﺸﻬﻮﺭ ﻻﻗﻴﺘﻠﻪ ﻛﺘﺎﺏ ﻋﻦ ﺍﻟﻤﻮﺿﻮﻉ ﺩﺍ ﻭ ﺑﺪﺃﺕ ﺍﺷﻮﻑ ﺍﻟﺘﺸﺨﻴﺺ ﺍﻟﺴﻠﻴﻢ ﺍﻻﻭﻝ ﻭ ﻓﻌﻼ ﻃﻠﻊ ﻋﻨﺪﻱ ﺍﻟﻜﻼﻡ ﺩﺍ ﻛﻠﻪ ، ﺍﻟﻌﻼﺝ ﺍﺧﺪ ﻣﻨﻲ ﺳﻨﻴﻦ ﻻﻧﻪ ﻋﻤﻠﻴﺔ ﺻﻌﺒﺔ ﻣﺶ ﺳﻬﻠﺔ ﻭﻟﻜﻦ ﺍﻧﺎ ﺍﺷﺘﻐﻠﺖ ﻣﺘﺮﺟﻢ ﻣﻊ ﺍﻟﺘﺤﺴﻦ ﻭ ﻋﻤﻠﺖ ﺳﻤﻌﺔ ﻛﻮﻳﺴﺔ ﺟﺪﺍ ﻓﻲ ﺍﻟﻤﺠﺎﻝ ﻭالحمدلله اخدت شهادة من جامعة كامبريدج في التدريس و حاليا باخد شهادة اخري في التدريس برده ﻭ ﺑﺴﺎﻋﺪ ﺍﻟﻨﺎﺱ ﻳﺘﻌﻠﻤﻮﺍ ﺍﻧﺠﻠﻴﺰﻱ ﻭ ﺍﻟﺤﻤﺪﻟﻠﻪ ﻋﺮﻓﺖ ﺍﻧﺠﺢ ﺗﺎﻧﻲ ﻣﻊ ﺗﺤﺪﻱ ﺍﻛﺒﺮ ﺑﻜﺘﻴﺮ ﻭ ﻫﻮ ﺍﻟﻤﺮﺽ.
ﻻﺯﻡ ﻳﻜﻮﻥ ﻋﻨﺪﻙ ﺍﻣﻞ ﻭ ﻋﻨﺪﻙ ﻋﺰﻳﻤﺔ ﻭ ﻋﻨﺪﻙ ﺍﺻﺮﺍﺭ ﻭﺍﻻ ﻳﺒﻘﻲ ﻣﻔﻴﺶ ﻫﺪﻑ ﻣﻦ ﺍﻟﺤﻴﺎﺓ.

كتب بواسطة | هشام أحمد