سقط في 22 مادة ويعمل الان في جوجل
بشمهندس أحمد علي ، خريج كلية حاسبات و معلومات جامعة القاهرة سنة (2009) و دلوقتي شغال في Google إللي في USA .
قصه أحمد علي للوصول لشركه Google
و برغم إنه كان طالب عادي دراسياً بس كشغل و كدماغ هو حاجة عالية أوي
أحمد علي علي مدار ال 5 سنين ليه في الكلية سقط في 22 ماده ! ها ! 22 مادة أيوة إنتوا متخيلين يعني إيه 22 ماده من 48 ماده ؟! يعني تقريباً نص المواد إللي أخدها سقط فيها
ده مش معناه إن أحمد كان فاشل لأ لأ هو فهِم إن الدراسة مش هتديلوا كل حاجة فقرر يشوف أيه اللي يخليه أحسن من صُحابه و إنه يبقى حاجة كويسة في يوم من الأيام فدور و سأل ناس كتير و فهم الشغل برة و العالم برة محتاج أيه و إبتدى يشتغل على نفسه لحد ما وصل للي هو فيه لشركه جوجل
و البدايه كانت لغة برمجة 1 اللي هي ( C programming ) ، بس ديه حاجة مخلهوش يحبط أو يِضايق و كمِل طريقه و حقق هدفه لأ وكمان من الحاجات اللي كان مهتم بيها في أوقات الدراسة مسابقة إسمها ACM و ديه مسابقة بتبقى علي مستوي جامعات مصر و علي مستوي الوطن العربي و علي مستوي العالم و الفريق بتاعه طلع التاني علي مستوي العالم العربي مرتين و الثالت مره
و بشمهندس أحمد كان رئيس لجنة الحكام في المسابقة العربية للبرمجيات سنه 2012 و 2013
مصر مليانة ناس كتير زي أحمد علي، فمهما وقعت متضايقش نفسك و خليك واثق في نفسك
و يمكن في يوم من الأيام تكون زي أحمد علي و تشتغل في Google و توصل للي هو وصل ليه و يا رب منكنش حسدناه
كتب بواسطة | هشام أحمد
اقرأ ايضا
في هذا المقال سنتحدث بالتفصيل عن لغة من لغات البرمجة والتي تعد من أشهر وأسهل لغاتها،وغالبًا يسهل على المبتدئين في البرمجة تعلمها لذا إن كنت قد حددت بأي مجال ستتعلم وتتطلب منك هذا المجال دراسة لغة البرمجة فهذا المقال لك…ماهي لغة البرمجة python