بسمة عبدالحميدتحفيزيقصص نجاحمقالاتمقالات الاعضاء

ابله بسمه … وتأسيس أول مجتمع أونلاين مُتخصص لتأهيل مدرسي اللغة الإنجليزية

واحد من المجالات المهمة جداً لأي حد بيتكلّم إنجليزي كويس هو مجال تدريس الإنجليزي. لو مستواك في الإنجليزي كويس وحابب تشتغل في التدريس سواء مدارس أو جامعات أو مراكز كورسات أو معاهد أو حضانات… تابع المقالات إلي هشاركها هنا ع الجروب كل يوم اتنين الساعة 5:30.

أنا بسمة عبدالحميد، بس بحب أكتر اسم “#أبلة_بسمة “، معروفة بإني Troublemaker وبعمل مشاكل طول الوقت، وفي وقت فراغي بشتغل مُدرسة إنجليزي وطرق تدريس إنجليزي للمدرسين. خبرتي في التدريس أكتر من 11 سنة. بشتغل في الجامعة الامريكية – كلية التعليم المستمر. درِّست في مشاريع كتير زي جامعة زويل، برامج السفارة الأمريكية زي RELO, Access، وزارة الخارجية، وزارة الزراعة، بنك اسكندرية، الهيئة المصرية العامة للبترول، ومنح معهد التعليم الدولي IIE زي مشاريع Bridge Year وجامعة السادات، إلى جانب جامعة الأهرام الكندية وجامعة القاهرة في مشروع EduEgypt ITI.

أسست مشروع TEFLship، أول مجتمع أونلاين في الوطن العربي والشرق الأوسط مُتخصص لتأهيل مدرسي اللغة الإنجليزية من خلال منصة كورسات أونلاين وورش عمل إلى جانب الاستشارات للمدرسين الجدد في المجال. TEFLship حازت على المركز الأول فى مسابقة وزارة الاتصالات لرائدات الأعمال وجائزة مادية تقدر بـ (37,500 EGP). عملنا شراكة مع وزارة الشباب والرياضة لتقديم ورش عمل لتأهيل مدرسى اللغة الانجليزية. أهّلنا أكثر من 1,200 مدرس وقدّمنا أكتر من 45 كورس أونلاين عملوا أكتر من 350,000 مشاهدة وأكتر من 11,000 ساعة مشاهدة من مدرسين من أنحاء العالم زي الهند والصين وكوريا والبرازيل وغيرهم. بجانب استشارات فى التدريس لأكتر من 12,000 مدرس وبيتابع شغلنا أكتر من 15,000 مدرس، واتطوّع معانا أكتر من 35 مدرس لتقديم محتوى تعليمي لزمايلهم المدرسين. TEFLship كأحد المبادرات من ممثلي جمهورية مصر العربية في الملتقى العربي الإفريقي للشباب المتطوعين ورواد الأعمال المجتمعيين برعاية من وزارة الشباب والرياضة المصرية والاتحاد العربى للتطوع في إبريل 2019.

كنت بعمل ماجستير في طرق تدريس اللغة الإنجليزية في كلية التربية جامعة عين شمس، نفس الجامعة إللي اتخرجت منها وحضرت فيها دبلومات تربوية في طرق التدريس.

بواسطة | بسمة عبد الحميد

مقالات ذات صلة

زر الذهاب إلى الأعلى
إغلاق
إغلاق