تحفيزيقصص نجاحمتنوعمقالاتمقالات الاعضاءنصائحياسمين محمد

قدر إيمانك بنفسك؛ صدق نفسك تتصدق”.

ـ فـ برنامج the voice kids الطفلة “لين الحايك” طلعت غنت دقيقة ونص ع المسرح ومحدش لف بالكرسي من لجنة التحكيم غير فـ الآخر كده كاظم قرر يضغط ويلفلها .. وكان تعليق تامر ونانسي على صوتها إنه اه حلو بس مش اللي هما بيدوروا عليه وفيه مستوى أحسن منها.

= فيه وكالة إعلانات كانت طالبة أطفال تبقى موديلز لإعلاناتها .. فـ طفل إسمه “Asher” مامته خدته وراحت قدمتله .. Asher كان عنده مُتلازمة داون، الوكالة رفضته وقالت لمامته “ما بنقبلش ذوي الإحتياجات الخاصة” ، مامته رجعت البيت متضايقة جداً وقررت تعمله فوتوسيشن ونشرت صوره على النت وطلبت من الناس تشاركها وكتبت رسالة مع الصور قالت فيها ” we aren’t giving up this handsome boy is ready to show the world what changing the face of beauty is”.

ـ مع مُتابعة البرنامج هتلاقي فـ كل مرحلة “لين” كانت بتتفوق على نفسها وعلى منافسينها وكان نانسي وتامر نفسهم بيقوموا يسقفولها وهما منبهرين بأدائها.

= الطفل من بعد الفوتوسيشن اللي مامته عملتهوله كتير دعموه وإنتشرت قصته ع السوشيال ميديا والشركات بقت بتطلبه بالإسم يعمل إعلاناتها، Asher بقى أشهر من الطفل اللي إتقبل فـ الإعلان اللي كان متقدمله ووكالات الدعاية والإعلان بقت بتتهافت عليه.

ـ “لين” هي اللي توجت فـ الآخر بلقب “أحلى صوت” مع إن واحد بس من اللجنة اللي إختارها .. واحد بس اللي كان مقتنع بموهبتها .. واحد بس اللي فضل معاها فـ باقي المراحل وشجعها وطور من أدائها .. واحد بس اللي قدرت معاه تفوز باللقب.

” الخُلاصة إن مش لازم الكل يبقى معاك عشان توصل، يكفي إنك تلاقي وسط كل دول واحد بس يكون مصدقك ومؤمن بيك قدر إيمانك بنفسك؛ صدق نفسك تتصدق”.

كتب بواسطة | ياسمين محمد

مقالات ذات صلة

شاهد أيضاً
إغلاق
زر الذهاب إلى الأعلى
إغلاق
إغلاق