تفائل رب الخير لا يأتي إلا بالخير

سمعت جمله قبل كده بتقول ” المواقف الاستثنائيه تحدث فقط للأشخاص الاستثناءين ” الجمله دي لناس معينه كده والاستثناء هنا مش معناه المواقف الحلوه والحياه الحلوه لأ ، يعني مثلاً الحظ الوحش والجون اللي مبيجيش ده والماده اللي بتتشال والسنه اللي بتتعاد والتيشرت اللي بيتقطع والشغل اللي مبيجيش والقلب اللي بيتكسر والتأخيرات والأزمات والمواقف الوحشه اللي بتحصلنا عموماً ومش بتحصل لمعظم الناس واللي أحنا بنبصلها ديماً بجمله (أزاي أنا بومه كده) لأ هو مش بيبقي حظ وحش علي قد ماهو بيبقي تمهيد وبناء للي جي بطريقه أحسن أصل أنت لو موقعتش مش هتعرف أزاي هتقوم ف لازم تقع عشان تتعلم تقف وتزعل عشان لما تفرح تحس بفرحتك وكذا كذا.. وربنا مبيحطش حد ف حاجه هو مش قدها هتقولي يعني ايه هقولك يعني ربنا بيجهزك وبيقويك للي جي يابومه ، بيجهزك عشان النجاح عشان أنت بكُل ما فيك من عيوب وحياتك بكُل مافيها من مشاكل أنت حد استثنائي وكل ده بيحصلك لهدف حلو هتوصله بعدين ، فلو سمحت يابومه منك ليه ليه ليها تفاءل فرب الخير لا يأتي إلا بالخير
والثانويه بدايه مش نهايه 

كتب بواسطة | آلاء عزت