التفاؤل كنز لا تجعله يفنى

التفاؤل مش معناه إنك جنتل مان ومفيش حاجه بتقف قصادك وديماً كل حاجه متوفره قدامك وربنا كارمك آخر كرم ومعاك شغل وحب عمرك ومرتاح مادياً ونفسياً ولكن التفاؤل جزء من الإيمان بالله إنك تؤمن بالقدر خيره وشره ، والله أنا تعبت ومنجحتش وحياتي مدمره بس لأ أنا واثق إن ربنا شايلي الخير ف أنا بضحك ومتفاءل ف أنت كده مؤمن بربنا وعندك ثقه فيه وهو هيكرمك ويعوضك عن كل اللي مريت بيه عشان رضيت بالقضاء والقدر ، كل النيجتيف اللي أحنا بنحوشها جوانا ونطلع كل الوحش قدام شخص ما مثلاً بتحكيله عن حياتك البائسه ومرضك وعدم نجاحك وتحبطه ف يقوم هو يكرهه الدنيا باللي فيها وتشيل ذنبه لما ممكن أنت تقول كلام يشجعه يقوم داعي ليك دعوه حلوه ف ربنا يكرمك عشان جبر الخواطر ده عظيم وده مبدأ لازم كلنا نتغير ونمشي بيه علشان كلنا عندنا مشاكل مش عشان أحنا بائسين ويع ربنا مش بيحبني لأ علشان “ولقد خلقنا الإنسان في كبد” صدق الله العظيم .
ودي الفكره لو حياتنا كلها اتملت إيمان بأن بكره أحسن وأن عوض الله أتي لا محال ف حياتنا دي هتبقي عظيمه جداً جداً وأنا بقول ده كله تقريباً عشان أتمني تدعولي دعوه حلوه تعدي أيامي دي علي خير

كتب بواسطة | آلاء عزت