اعمل الصح ف حق نفسك ..

مش مهم تعمل زي كل الناس ،المهم تعمل المناسب ليك مش مهم تكون كويس في كل حاجه المهم تكون كويس وبارع ف الحاجه اللي أنت بتعملها مش مهم تكون جميل في عيون كل الناس مهم تكون مع حد شايفك كل الناس ، مش مهم كلام الناس عنك المهم كلام نفسك الصادق عنك ، مش مهم خالص أنت فين دلوقتي المهم أنت بتحاول توصل لفين بكره ، مش مهم كلام الناس عن أفعالك التافهه اللي بتسعدك ، مش مهم أي حاجه غير أيمانك بنفسك وبأن بكره أحسن وبقوة روحك في السعي وقوة قلبك ف الصدق وطول نفسك في الصبر وروحك الحلوة في التعامل مع مشاكلك ، لازم تلاقي أنتقاد من كل اللي حواليك المهم ثقتك في نفسك وفي ربك وقدراتك 

أحنا هنعيشها مره واحده بس أبدع في اللي بتحبه واستمتع وهتلاقي اللي بيأيدك وربنا هيكرمك ما دام بتتعب وبتسعي ” ليس للإنسان إلا ما سعي وأن سعيه سوف يري” هتلاقي نتيجه تعبك يعني هتلاقيها لا مفر ، وبلاش الناس المحبطه اللي تقولهم انا متفاءل يقولولك ليه يابني أحنا آثرنا معاك ف حاجه ؟

قد تعجبك هذه المقالات


خليك مع اللي بيشجعك وربنا وبس والباقي بوسه في الهوا .

كتب بواسطة | آلاء عزت