سكه الصبر نهايتها جبر ..

أتخلقنا عشان نتعب ونشقي ونشوف وحش ونواجه صعوبات عشان ربنا يلهمنا بعدها الدعاء والصبر فَ نلاقي الحلو منور حياتنا ونقول الحمد لله علي كل الابتلاءات دي عشان من غيرها مكنش هيبقي في طعم للحلو ، طبيعي نأكل حادق وبعدين نحلي

نيجي بقي لفكره لو الدنيا فضلت مصعباها علينا يبقي أحنا كده وصلنا لأعلي درجات الحب عند ربنا عشان”ربنا لما بيحب حد بيبتليه” خلصانه

طب نعمل ايه لو الدنيا فضلت مديانا وش خشب ، الحل إننا نسرق أه نسرق ، اسرقوا الفرحه ولو بسكوته ،مانجه ،اقرأ آيه قرآنيه بتدبر ، اقعد مع حد بتحبه وأضحك علي مشاكلك وارميها علي ربنا هو قادر يراضي قلبك ، بحب الجمله دي أوي “صدقيني العالم لن يقدم لكي شئ إذا كنتي تريدين حياة اسرقيها” ربنا شايلانا حاجات أحسن تستحق نصبر علشانها والله

ربنا هيراضينا عشان هو بس اللي حاسس بينا وبحلاوه قلوبنا والله

كتب بواسطة | آلاء عزت