السعاده سكر زياده .. ليه كده نخليها ساده

السعاده موجوده ومش موجوده بمعني إن في إنسان قادر إنه يعيشها وإنسان ميعرفش يعيشها أزاي ف مش بيعيش فالسعاده موجوده بس للي عارف يدركها ف ممكن نقول عليها طبع ف الإنسان ويختلف عن التاني إن الشخص ده بيعرف يبقي عنده روقان ، حاجه رايقه بيحب يسمعها ، صاحب نفسك وكلمها ، خليك عبيط ف حل المشاكل وهتتحل ، خلي حاجات بسيطه تفرحك وكل ما البساطه زادت كل ما هتفرح أكتر ، ف اللي عقله بيتفنن باختيار الحاجات البسيطه هيلاقي الحياه حلوه

في جانب تاني ناس بتدور ع النكد أنا ليه معنديش كذا وكذا وكذا ؟ بالتالي هي موجوده ومش موجوده والذكي هو اللي بيقدر يعيش ويقاوم صح ، متدورش علي الأكل واللبس وتقول يارب معنديش وافتكر الآيه الكريمه”أنطعم من لو يشاء الله أطعمه” كفي


خلي عندك بهجه مش متعه بالشئ لأن المتعه بتروح مع الوقت متمتع بأكل بفلوس بشئ ما بمجرد ما تزهق هترميه وعشان كده في بعض صور القراءن ربنا بيقول “متاع قليلّ” لكن البهجه مستمره ، “أصنع لنفسك يوماً جميلاً ولا تنتظر جمال يومك من أحد” من أكتر الجمل اللي بحبها ،ولو مش عندك صفه البهجه اعملها بإيدك وخليها عاده

كتب بواسطة | آلاء عزت