تحفيزيمقالاتمقالات الاعضاءنصائح

محدش إتعشم في ربنا واتخذل ابداً..

مش يمكن الحاجه اللي أنت خسرتها الفتره اللي فاتت دي وزعلت عليها أوي ،مش يمكن ربنا هو اللي مسبب الأسباب عشان تخسرها ، لأن هو شايف إنك تستاهل الأحسن والأجمل والأنضف ،شايف إن الحاجه دي لو وجودها كان إستمر كانت ممكن تدمر حياتك ومستقبلك ، مش يمكن الحاجه دي خسارتها مكسب؟
مش يمكن قدام شويه تقول الحمد لله يارب إنك بعدتني عن الحاجه دي ، مش يمكن ربنا شايف إنك انسان نضيف فبعد عن حياتك الناس الغلط اللي كانوا فيها ،عشان ربنا من كتر حبه ليك محبش يخليك في مكان مش بتاعك ،أو مكان غلط ، أو مع اشخاص مش مناسبيين ليك
قول بس الحمد لله ،ولله الشكوي والتعب والقلق والخوف مش هيحلوا أي مشكله ، بالعكس هيزودوها
أنا من كتير اللي إيمانهم بربنا وسط المشاكل والتعب والضغوط الضيقه والخذلان من الناس ، إن ربنا بيعوض وبياخد حقي من كل شخص ظلمني أو هيعوضني مكانه حاجه تنسيني أو وجع مريت بيه إن ربنا مش بيخذل حد عشمان فيه زي مالناس بتعمل ،ربنا غير
عارفة إن هيجي يوم وأقول الحمد الله يارب علي كل الوجع دا ، لأن مكنتش أعرف إن كل دا لمصلحتي ، هقول ساعتها لو كنت أعرف الخير وبشوف المستقبل زيك يارب مكنتش هضايق كل ده ، مكنتش أعرف إنك شايل ليا الاحسن ، إن كل ما الالآم والأوجاع زادت كل مالفرح زاد
وعارفة إن نهايه صبري علي كل حاجة وجعاني انك هتعوضني مكانها , عارفة كمان إنك هتنسيني كل حاجه تعباني ،دا وعد منك يارب ،ربنا بكره هيبعت ليك فرحه تنسيك كل الوجع وعينيك هتدمع من كتر الفرح ، ومن تخطيط ربنا اللي كان كله عشان يفرحك إنت في النهايه  إوعي تتفتكر إنك هتعيش بجرحك طول العمر ،بكره تقول ايه الهبل اللي انا كنت بعمله في نفسي دا ..خلاصه الكلام ربنا خد منك حاجه هيعوضك بحاجه احسن منها ١٠٠ مره !
إتعشم في ربنا بس ، محدش إتعشم في ربنا واتخذل ابداً

كتب بواسطة | آلاء عزت

مقالات ذات صلة

زر الذهاب إلى الأعلى
إغلاق
إغلاق