أحنا ليه كدة؟ عشان نصيبنا كده..

نقطه ومن أول السطر ونبدأ بدايه جديده لكل أول يوم جديد.. ربنا وهو بيوزع الأرزاق قال فُلان حياته هتمشي كذا كذا كذا وهيتجوز دي ويفرح في الوقت ده ويحزن دلوقتي ويدخل كلية كذا واهله يكونوا عايشين بطريقه كذا..وهكذا
ويجي بقي واحد ابن حلال مننا من كتر لغبطه حياته وتعبه يقول أشمعنا أنا يارب ؟ طب أنا ليه بيحصلي كدة ؟ ويتمرد علي الخلق كلها ويكتئب.. كلنا عندنا مشاكل بس كل منا علي حسب تحمله ..عشان ربنا مخلقناش هباءاً كده لأ هو حطك ف المكان ده عشان واثق إنك قدها وهتعديها “لا يكلف الله نفساً إلا وسعها” أنت قد أي حاجه ربنا يحطك فيها بس كده
ف محدش يلعن الدنيا ولا الزمن لأن ربنا بيقول “لا تلعنوا الدهر فأنا الدهر” حب حياتك وعيشها عشان أنت ربنا خلقك ريمورد كنترول نفسك لو عايز تفرح هتخلق فرحه ف قلبك حتي لو حواليك كل هموم الدنيا وبذكر الله “ألا بذكر الله تطمئن القلوب”
كلنا ف الدنيا دي بنأدي رساله ربنا لينا وراجعين ليه تاني عشان الدنيا مش باقيه” كل من عليها فان ويبقي وجه ربك ذو الجلال والإكرام” ايه يا بيه هتزعل علي حاجه فانيه ؟ تبقي عبيط

كتب بواسطة | آلاء عزت