احمد عباس

مع احمد عباس فقرة ما لم تراه من قبل عصافير غولديان Gouldian Finch

عصافير غولديان “Gouldian Finch”  بتعيش في أماكن كتير علي مستوي العالم في آسيا وإفريقيا وأستراليا, بعض أنواعها صغارها بيخرجوا من البيض وعندهم علامات لامعة  ومميزة جدا داخل الفم وحوله, بالمناسبة هتلاقي إن معظم صغار الطيور عندهم فم واسع جدا في بداية حياتهم والسبب واضح علشان يساعدهم علي التقاط الطعام من “الوالدين” لأن الأب بالمناسبة بيأكلهم زي الأم بالظبط في معظم الطيور

 

العجيب فعلا هو العلامات اللي بتمير صغار النوع ده من الطيور واللي كانت ومازلت مصدر حيرة لعلماء الحيوان لحد دلوقتي, وجود العلامات هو بمثابة مؤشر طبيعة لحالة الطائر الصحية والسن بالإضافة إذا كان هو أساسا من نفس النوع اللي معاه ولا لأ, لأن في أنواع كتير من الطيور عبارة عن كائنات متطفلة بتضع بيضها في أعشاش الطيور التانية وتسيب أعباء التربية لغيرها, وبالتالي ياكلوا مع غيرهم اللي في العش وكأنهم واحد بدون ما صحاب العش ما يعرفوا, وطبعا ده بيأثر بشكل كبير علي الباقيين أصحاب الدار !

 

طب ليه الطيور دي عندها علامات مميزة بنفس الشكل ده حول الفم ؟

 

  1. وجود العلامات هي مؤشر لصحة الصغار لأن الطيور وخصوصا في حالة نقص الطعام بتميل لإطعام الصغير اللي صحته كويسة عن التاني لأن فرصه في البقاء أعلى من غيره, كما إن وجود العلامات مؤشر على السن فتقدر الطيور تحدد الأصغر سنا وتطعمه بحيث يبقى عندها أكبر عدد من الصغار اللي تقدر تنجو في الحياة بعد كده, مؤخرا بعض العلماء توصلوا إلي أن لمعان وبريق العلامات اللي في فم الطيور بتسهل على الطيور الوصول لأعشاشها وإطعام صغارها في الظلام التام.

كتبه | احمد عباس

مقالات ذات صلة

زر الذهاب إلى الأعلى
إغلاق
إغلاق