احمد عباس

اكتشاف لغه الخفافيش

هل فعلا العلماء وصلوا إنهم يعرفوا لغة الحيوانات وإيه هي أقرب نقطة وصلولها ؟!

 

الاكتشاف مش بعيد عننا يعني جنبنا هنا في أراضينا المحتلة -إسرائيل- علماء من جامعة تل أبيب قطعوا شوط كبير جدا في فك لغز خفاش الفاكهة المصري أو “Egyptian fruit bats”, الخفاش اتنسب لمصر لأن أول مرة تم اكتشافه كانت في مصر وهو بيعيش في مصر ملاصق لوادي النيل و أماكن كتير في المنطقة العربية وآسيا.

 

العلماء عشان يدرسوا لغة الخفافيش وضعوا 22 خفاش تحت الملاحظة التامة لـ 75 يوم كاملين وخلال الفترة دي سجلوا 15 ألف تسجيل وبعد كده ربطوا مابين التسجيلات دي و الحركات اللي الخفافيش بتعملها وهنا كانت المفاجأة فعلا !

 

الخفاش المصري أكثر أنواع الخفافيش تعقيدا في اللغة وأكثرها كلاما ! في البداية وجدوا إن الضوضاء اللي بتعملها الخفافيش دي مش أصوات عشوائية بل علي العكس قدروا بإستخدام تقنيات الذكاء الاصطناعي “AI” إنهم يميزوا 60% من الأصوات دي و صنفوها إلي 4 أقسام, القسم الأول كان جدال حول الطعام والقسم الثاني جدال حول أماكن النوم, القسم الثالث مختص بالذكور اللي كانت بتستميل الإناث للتزاوج, والقسم الرابع عبارة عن نزاع شخصي بين خفاشين بسبب ضيق المكان أو إن التاني قريب منه جدا, الموضوع مش بس كده وجدوا إن الخفافيش بتغير من درجة الصوت لما تتكلم مع أفراد مختلفة في الجماعة زي الإنسان بالظبط.

 

تطور جديد في معرفة لغة الخفافيش بعد ماكان كل اللي نعرفه عنها إنها بتعمل شوية دوشه وخلاص وبداية لمعرفة لغة الحيوانات حوالينا هتفتح أبواب كتير لمعرفة أسرار عالم جديد علينا وبالتالي ممكن جدا في المستقبل نقدر نتواصل معاهم ونستفيد من قدراتهم في مجالات الحياة

كتب بواسطة | أحمد عباس

مقالات ذات صلة

زر الذهاب إلى الأعلى
إغلاق
إغلاق