اسباب تحفزك علي تعلم اللغة الاسبانية

¡Hola! في المقالة دي هنتكلن عن اهمية اللغة الاسبانية وايه الاسباب اللي تشجعك انك تعرفها. وازاي تكون قادر علي تعلم اللغة الاسبانية

الاسبانية

المرة إللي فاتت اتفقنا إننا هنتعلم أسباني بس طبعاً قبل ما نتعلم أي لغة لازم نعرف أكتر عن الدولة نفسها وعن اللغة.
اللغة الأسبانية هي خامس لغة عالمياً من حيث الانتشار وعدد الناطقين بها وإللي عددهم بيوصل لحوالي 425 مليون نسمة، مش في أسبانيا بس ولكن في أمريكا الجنوبية و أمريكا الوسطى وغيرهم في أماكن كتير.

عدد الدول ال بتكلم اللغة الاسبانية هم 22 دولة حول العالم وبيعتقد معهد ثيربانتس ان الولايات المتحدة الامريكية هي هتكون تاني بلد المكسيك بتكلم اسباني بحلول سنة 2060.

اللغة الاسبانية هي واحد من الست لغات الرسمية في الامم المتحدة وهي كمان اللغة الرسمية في الاتحاد الاوروبي وفي منظمات دولية تانية كتير.
اللغة الاسبانية كمان بتمثل اللغة التالتة من حيث الاستعمال والبحث علي الانترنت.

تعلم اللغة الاسبانية

الأسباني والبرتغالي والإيطالي فيهم كلمات مشتركة كتير مع اختلاف النطق أو الكتابة، ولكنهم في النهاية قريبين من بعض, تعتبر من اللغات السهلة وهي اللغة الأجنبية إللي فيها حرف الخاء، وكمان هي مشتقة من اللغة الاتينية

ونتكلم عن أسبانيا نفسها بقى، فهي رسمياً تعتبر مملكة وليست دولة، وأكبر مدنها مدريد وهي العاصمة بتاعتها

طبعاً مش هنتكلم عن الدوري الأسباني وإللي فيه أندية كتير مشهورة عالمياً وكذلك اللعيبة والناس بتابعه وكأنه الدوري بتاعهم هما

أشهر الأكلات في أسبانيا هما الجازباتشو ودا عبارة عن شوربة طماطم مع شوية اختراعات كدا والباييا ودي أكلة نشأة في ڤالنسيا وهي عبارة عن رز وخضار وفراخ أو رز و مأكولات بحرية زي الجمبري والمحار وغيرهم
أو ميكس من الفراخ والمأكولات البحرية  وكمان التورتيلا الأسبانية ودي أكلة مشهورة جداً هناك وهي عبارة عن بطاطس وبيض  وبصل

و طبعاً أسبانيا مشهورة بمدينة مدريد وبرشلونة وفالنسيا واشبيلية وغرناطة وجزر الكناري، وزي ما إحنا عارفين إن أسبانيا والبرتغال حالياً كانوا عبارة عن الأندلس قبل كدا و طبعاً مننساش إن عملة أسبانيا هي اليورو

اللغة العربية و تعلم اللغة الاسبانية

كل دي اسباب تساعدك علي تعلم اللغة الاسبانية وبما انك بتعرف عربي فده هيساعدك جداً في تعلم الاسباني.
تاريخ اللغة الاسبانية انها بتنحدر من اللغة الاتينية ولكن بسبب الفتوحات الاسلامية واستقرار العرب في الجزيرة الإيبيرية لمدة سبع قرون فبقي في كلمات اتنقلت من اللغة العربية للاسبانية.

اللغة الأسبانية فيها أكتر من 4000 كلمة مشتقة من اللغة العربية طبقاً للقاموس الاسباني في مجالات مختلفة زي العلوم والزاراعة والحرب والموسيقي… وغيرها من المجالات.

امثلة علي الكلمات دي:

  • الخيمياء : Alquimia
  • الإكسير : Elixir
  • الجبر : Álgebra
  • الرّيحان : Arrayán
  • السّاقية : Acequia
  • طاحونة : Tahona
  • الزّيت : Aceite
  • المهراس : Almirez
  • ليمون : Limón
تعلم اللغة الاسبانية

ازاي تقدروا تتعلموا اللغة الاسبانية

  • اتعلم حروف اللغة واحفظ كلمة علي كل حرف بتحفظه
  • اعرف قواعد اللغة واحفظ جمل كمثال علي القواعد دي
  • حاول تتواصل مع ناس بتتكلم اللغة الاسبانية من خلال مواقع التواصل الاجتماعي
  • حاول تتفرج علي اكبر قدر ممكن من البرامج والافلام والمسلسلات اللي بالاسبانية لانها هتساعدك تمارس اللغة بشكل كبير وتعرف النطق الصح للكلمات اللي اتعلمتها.
  • اسمع اغاني اسبانية مترجمه ترجمه صحيحه ده هيساعدك تعرف كلمات اسبانية جديدة وكمان تعرف الكلمات المنتشرة هناك.
  • سجل مقطع ليك وانت بتكلم الاسبانية ده هيساعدك في انك تعرف بتنطق ازاي وتصحح غلطك.

ونشوفكم المرة الجاية في أول درس في تعليم اللغة فعلياً  شاركنا بمعلومة تعرفها عن أسبانيا بقى

* متنساش تعمل Follow وSee first علشان تتابع كل جديد

¡Adiós!

كتب بواسطة | تسنيم محمد علي

اقرأ ايضاً:

كتير بنشوف او نسمع كلمة ( كوتشينج Coaching )
10 خطوات هتساعدك في التعلم الذاتي
الادغام في اللغه الالمانيه