تسنيم محمد

ليه تتعلم أسباني

¡Hola!

المرة إللي فاتت اتفقنا إننا هنتعلم أسباني بس طبعاً قبل ما نتعلم أي لغة لازم نعرف أكتر عن الدولة نفسها وعن اللغة

اللغة الأسبانية هي خامس لغة عالمياً من حيث الانتشار وعدد الناطقين بها وإللي عددهم بيوصل لحوالي 425 مليون نسمة، مش في أسبانيا بس ولكن في أمريكا الجنوبية و أمريكا الوسطى وغيرهم في أماكن كتير

الأسباني والبرتغالي والإيطالي فيهم كلمات مشتركة كتير مع اختلاف النطق أو الكتابة، ولكنهم في النهاية قريبين من بعض

اللغة الأسبانية فيها أكتر من 4000 كلمة مشتقة من اللغة العربية

تعتبر من اللغات السهلة وهي اللغة الأجنبية إللي فيها حرف الخاء، وكمان هي مشتقة من اللغة الاتينية

ونتكلم عن أسبانيا نفسها بقى، فهي رسمياً تعتبر مملكة وليست دولة، وأكبر مدنها مدريد وهي العاصمة بتاعتها

طبعاً مش هنتكلم عن الدوري الأسباني وإللي فيه أندية كتير مشهورة عالمياً وكذلك اللعيبة والناس بتابعه وكأنه الدوري بتاعهم هما

أشهر الأكلات في أسبانيا هما الجازباتشو ودا عبارة عن شوربة طماطم مع شوية اختراعات كدا والباييا ودي أكلة نشأة في ڤالنسيا وهي عبارة عن رز وخضار وفراخ أو رز و مأكولات بحرية زي الجمبري والمحار وغيرهم… أو ميكس من الفراخ والمأكولات البحرية  وكمان التورتيلا الأسبانية ودي أكلة مشهورة جداً هناك وهي عبارة عن بطاطس وبيض  وبصل

و طبعاً أسبانيا مشهورة بمدينة مدريد وبرشلونة وفالنسيا واشبيلية وغرناطة وجزر الكناري، وزي ما إحنا عارفين إن أسبانيا والبرتغال حالياً كانوا عبارة عن الأندلس قبل كدا

و طبعاً مننساش إن عملة أسبانيا هي اليورو

ونشوفكم المرة الجاية في أول درس في تعليم اللغة فعلياً  شاركنا بمعلومة تعرفها عن أسبانيا بقى

* متنساش تعمل Follow وSee first علشان تتابع كل جديد

¡Adiós!

كتب بواسطة | تسنيم محمد علي

مقالات ذات صلة

اترك تعليقاً

زر الذهاب إلى الأعلى
إغلاق
إغلاق