تسنيم محمد

أول درس هنتعلمه في الأسباني

Hola!

جيبتلكم أول درس هنتعلمه النهاردة في الأسباني  ورقة وقلم واكتبي ورايا يا ست الكل

هنتكلم المرة دي عن الحروف في الأسباني وهما 28 حرف

منهم حروف مختلفة عن اللغات التانية زي حرف ال Ñ وحرف ال J إللي بيتنطق خاء، وغيرهم من الحروف إللي هنعرف عنها أكتر في الڤيديوهين دول

دا ڤيديو عن طريقة نطق ال 28 حرف بطريقة كويسة وسليمة

أما دا فبيوضح كل حرف ليه نطقين أو إنه بيتخلف نطقه من مكان لمكان، زي حرف ال V إللي بيتنطق في الأسباني B ولكن بعض الأماكن بتنطقه V بردو وغيره من الحروف التانية  ومعلومة كدا على الماشي، ال H هو الحرف الوحيد إللي في الأسباني يكتب ولا ينطق خالص ولا عمرنا هنشوفه بيتنطق

الڤيديوهين صغيرين خالص علشان الناس إللي بتزهق بسرعة عارفاهم دول  وكمان علشان تكرروهم كل شوية وتحفظوهم أكتر

أما عن الحروف في الأسباني فزيهم زي أي لغة فيهم ساكن ومتحرك والمتحرك 5 حروف ال (O, E, A) دول حروف متحركة قوية وال (I, U) حروف متحركة ضعيفة وهنعرف أكتر أهمية دا إيه المرة الجاية

*بعتذر عن تأخير البوست ولكن كنت تعبانة جداً، متنسوش اللايك والشير علشان كله يستفاد
كمان بالنسبة للهاشتاج علشان كذا حد علق عليه فأنا مش مدريدية ولا برشلونية ولا أي حاجة بس الاسم عجبني  وإللي عنده سؤال يكتب في الكومنتس

Adiós

كتب بواسطة | تسنيم محمد علي

مقالات ذات صلة

شاهد أيضاً
إغلاق
زر الذهاب إلى الأعلى
إغلاق
إغلاق