عبد الرحمن إبراهيم

شرح موقع Udemy من اول التسجيل لغاية ما تاخد شهادة معتمدة

حصري جداً جداً جداً يا أهل الجروب .. البوست اللي مينفعش يتفوت .. واللي ناس كتير مستنياه .. شرح موقع Udemy من اول التسجيل لغاية ما تاخد شهادة معتمدة من أشهر المواقع العالمية في مجال التعليم الذاتى والكورسات الأونلاين. ومن أكثر المواقع فى عدد الزائرين والدارسين. ويمتلك شهرة كبيره جدا بسبب سهولة التعامل والتعليم عليه. والموقع عليه كورسات في كل حاجه تيجي على بالك تقريباً .
طبعاً الناس عارفه إن الموقع مش ببلاش والكورسات عليه غالية لكن في الصور دي شارح 3 طرق للحصول على الكورسات عالموقع.
اول طريقة : الوصول للكورسات المجانية عالموقع .
-لو ملقتش كورس انت عايزه مجاني يبقى تجرب
الطريقة التانيه : الحصول على الكورسات اللي بفلوس مجانا عن طريق الكوبونات .. و ده موقع بينزل كوبونات على طول من هنا
و ده لينك عليه كوبونات لكورسات في مجالات كتير اللينك من هنا

– لو ملقتش كوبون للكورس اللي انت عايزه يبقى مفيش قدامك غير
الطريقة الثالثة : تحميل الكورسات على الجهاز عندك .
و ده عن طريق الموقع ده : لينك الموقع
وكل الطرق دي شرحها في الصور دي .. ياريت شير كتيييييير البوست تعبان فيه وشجعوني أكمل
ياريت تاخدوا بالكم من الكلام اللي مكتوب تحت كل صورة .. مهم جدا
جدا لأنه بيشرح اللي في الصور.

لينك الموقع : من هنا
واجهه الموقع اول ما تفتحه ..
هندوس على العلامة دي

بعدين نختار sign up/ log in

 

 

هنملي البيانات دي
الاسم بالكامل اللي عايزه يظهر على الشهادة
الاميل اللي بتستخدمه على طول عشان ده اللي هيتبعت عليه الشهادة .. مهم جداً جداً
اي باسورد
بعدين ندوس sign up

بعد التسجيل مباشره .. هتظهر الصفحة دي هندوس على علامة البحث عشان نبحث عن اللي عايزين نتعلمه

 

 

على سبيل المثال بحثت عن كورسات جرافيك ديزاين … ممكن تبحث عن اي حاجه انت عايزها مش شرط اللي انا شارحه
– نختار اول اختيار

هتظهر لنا الصفحة دي …. هننزل تحت في الصفحة

 

لغاية ما نوصل هنا .. عند كلمة Filter هندوس عليها

 

هتظهر لنا القايمة دي
و دي من اجمل الحاجات في الموقع … بيسمحلك تجيب الكورسات اللي على مزاجك في المجال اللي اختارته …
اهم حاجه لازم نختارها هي free في قائمة price .. عشان تظهر لنا الكورسات المجانيه في المجال ده
بعدين ممكن تختار لغة الشرح في الكورس .. و مدة الكورس والكورسات الأعلى تقييماً
وممكن متختارش حاجه غير انك تختار free بس عشان في مجالات ممكن متلاقيش ليها كورسات مترجمة للعربي
بعد ما نختار كل حاجه هندوس Done

هتظهر لنا نتائج الاختيارات اللي اختارناها وظهر هنا ٤ كورسات مترجمين للغة العربية ومجانين زي ما اختارنا في الصورة اللي فوق .. هنختار على سبيل المثال الكورس التالت ده

 

دي صفحته اول ما ندوس عليه .. هندوس enroll now عشان نشترك فيه

 

هندوس هنا عشان نبدأ الكورس

 

هتظهر لنا الصفحة دي هندوس علامة x

 

دي صفحة الكورس والدروس وكده
اي فيديو هتخلصه هيتعملك عليه علامة صح .. لازم تخلص كل الدروس ويكون عليها علامة صح عشان تكون خلصت الكورس وتاخد الشهادة ..
كده خلصنا الكورس .. اول ما تخلص اخر فيديو هتلاقي رسالة جاتلك على الاميل اللي سجلت بيه عالموقع فيها الشهادة

 

هندوس على view certificate

 

 

هتظهر لنا شهادة الكورس اللي خلصناه
هندوس download عشان نحملها .. ممكن تحملها بصيغة PDF جودة عالية جداً جاهزة للطباعة ألوان .. وممكن تحملها بصيغة jpg

 

 

دي شكل الشهادة بعد ما حملتها بصيغه jpg

 

الطريقة التانيه وهي الحصول على الكورسات من خلال الكوبونات. و ده لينك الموقع اللي هنجرب منه : https://www.real.discount/
هندخل ونبحث عن اي موضوع ونشوف الكورسات الموجودة .. او هو بيعرض كورسات في الصفحة الرئيسية أو ممكن تفتح اي قايمة من دول اللي هما new courses و expiring soon واللي جمبهم .
مثلاً اختارت الكورس ده.. هندوس عليه

 

وتظهر لنا الصفحة دي هندوس على get coupon

 

من خلال الكوبون الكورس بقا ببلاش بدل 150 دولار .. انتوا متخيلين الفرق 😲
عشان نشترك فيه ويكون مجانا على حسابك للأبد .. هندوس enroll now وباقي الخطوات بقى زي ما شرحت في الصور اللي فوق

 

تالت طريقه وهي تحميل الكورس لو ملقناش الكورس اللي عايزينه في الطريقتين اللي شرحتهم
هنفتح الموقع ده https://ftuforum.com/
وندوس على menu

 

نكتب اسم الكورس اللي عايزينه أو اسم المجال .. مثلاً انا بحثت عن انجليزي .. واختارت اول واحد

 

تقدر تحمل ابليكشن يودمي وتاخد عليه الكورسات .. و ده لينك الابليكشن على جوجل بلاي : https://play.google.com/store/apps/details?id=com.udemy.androi

 

كتب بواسطة | عبد الرحمن إبراهيم

مقالات ذات صلة

زر الذهاب إلى الأعلى
إغلاق
إغلاق