تحفيزيمقالاتمقالات الاعضاءنصائحوليد ربيع

ازاي تختار كارير تفضل راضي عنه ؟

▪️ معني السؤال ده اني ممكن اشتغل في وظيفه بحبها او في مكان بتمناه بعد كده مبقاش راضي عنه ؟!

– الحقيقه اه .. كتير من الناس بتكون بتتمني تشتغل في مكان او كارير معين ،، بعد كده نظرتها تتغير وتحس انها مش مبسوطه فيه وعايزه تسيبه او تعمل كارير شيفت .. هنتكلم في البوست ده عند السبب والحل .

▫️ اهلا بيكم : انا وليد ربيع ( مدير تدريب – كارير كوتش) ،
▪️ في البوست اللي فات اتكلمت عن ال Career Coaching والاربع عناصر اللي بعرف منهم ازاي اكون satisfied او راضي عن الكارير .. دا لينك البوست : من هنا

▫️ اول حاجه ودي تعتبر غالباً اهم حاجه تكون السبب في المشكله اللي ذكرتها فوق وهي اللي هتكلم عنها النهارده ال Career Values / القيم بتاعتي اللي حابب تكون موجوده ف الكارير اللي عايز أشتغل فيه .

امبارح كنت سألت سؤال بيقول : ايه اكتر حاجه تخليك تسيب وظيفتك ؟ وعملت في الاختيارات 5 قيم .. كانت الاجابات مختلفه حسب كل واحد .. لكن اكتر اختيارات كانت بسببين ( قلة التقدير ، وبيئه مش مريحه ) دا لينك البوست ممكن تشوف الردود : من هنا

▪️القيم دي اهميتها بتختلف من شخص للتاني زي مثلا ( الفلوس ) في حد بتلاقي أكتر حاجه تهمه في الوظيفه ان المرتب يكون عالي ،، فبالتالي لما ييجي يدور علي وظيفه يسأل علي الراتب الاول ..
بس هل لو في بنت اختارت وظيفه مرتبها عالي واشتغلت فيها ، بس اكتشفت بعد كده ان مديرها قليل الأدب وبيتحرش بيها او يبتزها .. طبيعي مش هتكون مرتاحه وتكره المكان ده وتفكر تمشي ، ليه ؟ لأن في قيمه تاني اصبحت مفقوده في المكان ده وهي قيمة الـ ( بيئه مريحه ومحترمه )

طيب هل لو في ولد اختار وظيفه (مرتبها عالي + بيئة مريحة ) بس اكتشف ان الشركة فيها إجراءات غير قانونيه وغير اخلاقيه وممكن يتعرض للخطر ، او مفيش ترقيات وبالتالي مفيش زياده في المرتب.. طبيعي مش هيكون مبسوط وممكن يفكر يسيب المكان ، ليه ؟ لأن في قيمه أو قيم تاني تعارضت مع طبيعة المكان .

▪️دا اللي بيحصل فعليا مع كتير من الناس اللي بتجيلي في الجلسات وتبقي عايزه تعمل Career Shift.. بتكون المشكله في تعارض القيم مع طبيعة المكان نفسه او الوظيفه .. و ممكن تكون المشكله في المكان مش الكارير او الوظيفه نفسها .

▫️يبقي عشان نختار كارير نفضل راضيين عنه .. هو اننا نعرف ونحدد ايه هي القيم الوظيفية بتاعتنا .. المطلوب في الاول قبل ما تختار الكارير انك تحدد أهم top 10 career values – أهم 10 قيم للكارير، وتعمل ترتيب اولويه لهم ..
بعد كده نشوف الوظائف اللي احنا محتارين نختار منها او عايزين نشتغل فيها .. وبعد ما نعرف طبيعة الشغل فيها او الـ job description والـ job specific نبدأ نشوف كل وظيفة هتتماشي مع القيم بتاعتنا بنسبة كام ؟
بالتأكيد .. اكتر وظيفة نسبتها عاليه مقارنة بالقيم هي اللي هتكون راضي فيها أكتر .

في اكتر من ( 50 قيمه ) بعض القيم الوظيفية ( المكاسب – العلاقات – الأمان – البيئه المحيطه – الحريه في الوقت – العمل بمفردي – العمل الجماعي – التطبيق العملي – السلامه الشخصية – المرح – الصدق والنزاهة – الأسرة – التوازن بين الحياه والعمل المغامرة- السلطة) .. وهكذا ( ولو محتاج تفاصيل اكتر وشرح لكل قيمه ابعتلي )

▪️ ابدأ دلوقتي حدد ال career values ولو في اي استفسار انا معاك

كتب بواسطة | وليد ربيع

مقالات ذات صلة

زر الذهاب إلى الأعلى
إغلاق
إغلاق