تحفيزيمقالاتمقالات الاعضاءنصائحوليد ربيع

لما بتغلط .. بتحس بتأنيب ضمير مستمر ؟

◾️ كتير من الناس بتعيش حياتها في حالة تكفير عن الذنوب وبيعانوا من تأنيب ضمير بشكل مستمر بسبب أي غلط بيقعوا فيه ، وغالبا بيخافوا من المستقبل لان ماضيهم بيشل حركتهم وتفكيرهم

◾️الشعور بالتقصير ومحاسبة النفس مطلوب ، لكن الشعور بالذنب بشكل دايم ومستمر أسوأ شعور ممكن تعيشه في حياتك

هل تقدر تتخلص من قيود زلات الماضي وتكمل حياتك عادي ؟
اجابتي ليك : انت فعلا تقدر .. ركز معايا في الكام نقطه الجايين ..

لما تقع في خطأ وتحس بالإحباط ، هات ورقه وقلم واكتب اللي حصل بالضبط
حدد أسباب الخطأ .
فكر في المشاكل اللي حصلت بسبب الخطأ ده، والناس اللي تضرروا منه، وايه أسوأ حاجه ممكن تحصل بسببه،
وارد جدا تكون الحقيقه مش بالشكل السئ اللي بيتهألك بسبب مخاوفك.
خليك جرئ واعتذر لأي حد اتأذي بسبب خطأك.
لو شعور الذنب مستمر وبيستهلك طاقتك وقوتك .. ضروري تستشير متخصص نفسي .
أحيانا بيكون الأخطاء وراها فوائد . اعرف فوائد الخطأ ده .. ولو مفيش ، فيكفي انك اتعلمت منه .
قدر مشاعر الناس اللي ممكن تغلط نفس الغلط ده وسامحهم وساعدهم
خليك عارف ان الخطأ بيعكس أداءك في موقف او ظروف معينه ومش معناه ان الخطأ بيحدد شخصيتك ولا انك فاشل
شعورك بالذنب المستمر مش هيفيدك .. لكن هيدمرك
اغفر لنفسك أخطاءك يا صديقي ،، إحنا في الأخر بشر . .

◾️ هل انت كده ؟ وبيأثر عليك الإحساس ده إزاي ؟
كتب بواسطة | وليد ربيع

مقالات ذات صلة

زر الذهاب إلى الأعلى
إغلاق
إغلاق