أحمد طه عطوهمتنوعمقالاتمقالات الاعضاءنصائح

شطب شقتك صح بنفسك

بما إن كل واحد مننا هيتعرض في يوم ما من حياته انه هيشطب شقته بنفسه أو هيجيب مهندس يشطبهاله، فلازم يكون فاهم شوية اساسيات في التشطيبات والديكور.

هنبدأ إن شاء الله سلسلة من البوستات في مجال التشطيبات الداخلية والخارجية والديكور، البوستات هتفيد المهندسين وغير المهندسين، لو انت عايز تشطب شقتك صح بنفسك وتعيش مرتاح من عيوب التشطيبات طول حياتك تابع السلسلة دي من البوستات.

طيب ايه بعض العيوب اللي ممكن تقابلنا في التشطيبات؟

1- الفيشه اللي بتكون جمب السرير دي ليها معزه خاصه عند كل واحد فينا، طيب تخيل معايا كدا إن مفيش فيشه جمب السرير هتلاقي نفسك تلقائي بتشتم في الكهربائي اللي وزع الكهرباء في الشقه.

2- مين فينا معندوش شباك او باب بيزيق كل مايجي يقفله او ممكن يكون مبيقفلش اصلا.

3- مين معندوش شروخ واضحه في الحيطه بسبب ان المباني او بياض المحاره متعملتش كويس ؟

لو فضلنا نعد العيوب بتاعت التشطيبات من هنا لبكره مش هنخلص …

عشان كدا هنتكلم في السلسه دي عن جميع بنود التشطيبات زي :

– اعمال المباني.
– اعمال بياض المحاره.
– الاعمال الجبسية.
– اعمال الدهانات الداخلية.
– اعمال الدهانات الخارجية.
– عزل الحراره.
– عزل الرطوبه.
– عزل الصوت.
– اعمال السباكه (تغذيه وصرف)
– السيراميك والبورسلين.
– الرخام والجرانيت.
– الحجر الطبيعي.
– الرخام الصناعي (كوريان).
– الارضيات الفينيل.
– الارضيات الايبوكسية.
– الارضيات الخشب (الباركيه)
– ارضيات HDF.
– اعمال الكهرباء.
– نجارة الابواب والشبابيك.
– دهانات الاخشاب.
– الالوميتال وال PVC.
– الكيرتن Wall.
– الحدادة المعمارية.
– ال CNC.
– ال gypsum board.
– الكرانيش الفيوتك.
– الطوب الزجاجي.
– القرميد.
– البردوره والارصفة والانترلوك.

كل بند هنتكلم عنه بالتفصيل ( إزاي استلم البند – إزاي الصنايعي ميضحكش عليا – إيه الأوفر بين الخامات الموجوده في السوق – أسعار الخامات والمصنعيات في السوق دلوقتي في حدود اد ايه … الخ )

هنتكلم عن الترتيب الصح للبنود، ولو انا مستعجل وعايز اشتغل كذا بند في نفس الوقت ..ايه البنود اللي ممكن اشتغلها مع بعض.

هنتكلم كمان في بعض الحاجات المتعلقه بالديكور زي تنسيق الالوان وازاي اظبط الوان الدهانات مع الاثاث

كتب بواسطة | أحمد طه عطوه

مقالات ذات صلة

زر الذهاب إلى الأعلى
إغلاق
إغلاق