تأثير الوهم
عن تأثير الوهم بيقولك ياسيدي إنهم عملوا اختبار علي مجموعتين من الناس كان عندهم نفس المرض، المجموعة الأولي أخدوا العلاج الحقيقي، والمجموعة الثانية أخدوا علاج مزيف علي انه ( حقيقي).
فضلوا يترقبوا النتايج اللي هتحصل، فلقوا إن المجموعة اللي أخدت العلاج المزيف صحتهم اتحسنت زي المجموعة الاولي اللي أخدت العلاج الحقيقي، لأن كان في اعتقادهم إن الدوا هو اللي ساعدهم، ومن هنا ظهر مصطلح اسمه ” تأثير بلاسيبو”
– فيه بعض الأمثلة في حياتنا بيظهر فيها ” تأثير بلاسيبو” زي :
1- بعض الناس بتعتقد ان البيتزا لما بتتقطع مثلثات طعمها بيكون أحلي لو قطعناها مربعات مثلا
2- بتدي لصاحبك كوباية مايه معدنية، فيقولك ياخي المايه المعدنيه دي مهما كان طعمها أحسن من ماية الحنافيه، مع إنك عامل فيه مقلب اصلا وكوباية المايه دي من الحنافيه.
3- لو عندك دور برد مثلا ومكنش فيه كومتركس في البيت وأخوك مكسل ينزل يجيبلك، ممكن يدلك حباية صداع مثلا علي انها كومتركس وتبقي زي الفل بعدها.
4- صاحبك جابلك سندوتش بانيه من ماك .. وبعد ما أكلته قولت ماك برضو حاجه تانيه ياخي، مع انه جايبهولك من عند أبو يوسف.
5- عندك ضيف وقدمتله تفاح، وفضلت تقوله التفاح دا أمريكاني وجايلي من بره مخصوص، فيقوم هو يمدح فيه ويقولك فعلا طعمه مختلف عن بتاع مصر، وانت في الحقيقه جايبه من عند عم اسماعيل بتاع الفاكهه.
– التأثير ده بيعمل علاقه قوية بين الدماغ والجسم.
كتب تأثير الوهم بواسطة | أحمد طه عطوه
ترشيحات لمقالات أخرى يمكنك قراءتها!
علم النفس السيبراتي وتأثيره على السلوك البشري
ستة نصائح عملية لكسب الناس والتأثير فيهم.
تأثير التكنولوجيا على البطالة وهل تزودها أم تقللها
ما هو تأثير الحقيقة الوهمية؟ ولماذا نكون فريسة سهلة للإشاعات!
أشهر ٥٠ خرافة في علم النفس! الجزء الأول
ماذا سيحدث لك عندما تنهي كتاب التنمية البشرية الذي بين يديك!
الصدمة النفسية أسبابها وأعراضها وطرق علاجها.