أحمد طه عطوهتحفيزيمقالاتمقالات الاعضاءنصائح

إيه الحاجات اللي الناس تبدأ تتعلمها دلوقتي وهتساعدهم كتير في خلال 5 سنين؟

1- إتعلم برمجة، عمرها ما كانت فكرة وحشة إنك تتعلم لغة برمجة.
2- إبدأ أي مشروع صغير بجانب وظيفتك علشان تتعلم مبادئ ريادة الأعمال.
3- خصص لنفسك مكان معين تفصل فيه عن كل حاجه، وترتب فيه أفكارك، واكتب كل اللي يجي في بالك.
4- إتعلم لغة أجنبية.
5- إتعلم إزاي تعمل علاقات مع الناس.
6- إتعلم إزاي تطبخ أكل كويس بتكلفة قليلة.
7- حوش وسافر أي مكان مع شوية من صحابك او حد بتحبه إقعد ولو في فندق مستواه قليل لأسابيع قليلة، خروجة هتغير حياتك وهتفضل فاكرها دايمًا.
8- لو حد وعدك بإنه هيقول لك على طريقة سهلة تجيب بيها الفلوس، إهرب منه لأنه في الغالب بينصب عليك.
9- إقرأ كتاب كل أسبوع واستمع للكتب الصوتية وانت في المواصلات.
10- لازم تعمل شوية تمارين ضغط من وقت للتاني.
11- اتعلم مهارة جديدة لكن إبدأ دلوقتي وفي خلال خمس سنين هتكون ممتاز في المهارة دي.
12- متحرقش الجسور؛ لأنك مش عارف إمتى ممكن تحتاجها من تاني. (بمعنى متنهيش علاقتك بشخص/شغل لأنك مش عارف إمتى ممكن تحتاجه تاني).
13- إتعلم إزاي تبيع، أخرج وبيع حاجه .. أي حاجه.
14- إتكلم مع شخص غريب كل يوم = فرصة تكسب صديق جديد، تجيلك أفكار جديدة، فرصة تتخلص من الخوف من الكلام مع الناس الغريبة عنك، فرصة لمغامرة بدء بيزنس جديد وغيرهم الكتير.
15- كل يوم قبل ما تنام إسأل نفسك سؤال .. انا بعمل اللي انا بعمله دلوقتي ليه؟
كتب بواسطة | أحمد طه عطوه

 

مقالات ذات صلة

زر الذهاب إلى الأعلى
إغلاق
إغلاق