تحفيزيدينا القزازمتنوعمقالاتمقالات الاعضاء

أختين تؤام .. قصه نجاح بدأت من التنسيق

احنا أختين تؤام أسامينا دينا & رانا، 24 سنة، خريجي 2017 كلية تربية – قسم بيولوجي وجيولوجي – جامعة الإسكندرية

شغالين من البيت كـ (Freelancers (Content Creators – Translators

هنتكلم معاكم عن مواقع الـ Online Courses، وإزاي تاخد شهادات مجانًا من جامعات عربية وأجنبية، في فقرتنا كل يوم حد وتلات وخميس الساعة 9.30.. لكن في البداية حبينا نشارككم قصتنا 

ما قبل 2016 .. 

– في ثانوية عامة جاتلنا منحة لألمانيا لتفوقنا في اللغات، لكن مقدرناش نسافر.

– كان نفسنا ندخل ألسن ومجموعنا جابها، بس كان العائق هو المحافظة، فدخلنا كلية تربية؛ علشان التنسيق.

– طول عمرنا ضعاف في اللغة العربية وبنكره القراءة.

– مكنش عندنا هدف وكنا مُشتتين، وعمرنا ما فكرنا نقدم في أي نشاط تطوعي.

– لما حاولنا نعمل حاجة مفيدة قدمنا في منحة بس للأسف اترفضنا.

– سنة تالتة أصعب سنة نفسيًا علينا بسبب مشكلة كبيرة، ودي كانت الشرارة وبداية التغيير. 

 لإن الضربة اللي مش بتقتل، بتقوي  فيما بعد..

1- اتخرجنا بعد معافرة أربع سنين. 

2- اتكتب عننا مقالات في جرايد مختلفة زي جريدة الوطن – التقرير – الحياة اللندنية

3- عملنا لقاءات في إذاعة الشباب والرياضية، وقنوات الأولى – الإسكندرية – مصر الحياة – الحرة، وفيلم تسجيلي عن قصتنا <3

4- مستوانا في الـ English أصبح كويس جدًا، والـ German لا بأس به، وحاليًا بنتعلم French

5- عملنا تحدي مع نفسنا ومستمرين عليه بقالنا سنتين، إننا كل يوم لازم نتعلم ولو معلومة واحدة جديدة 

الأعمال_التطوعية:

1- كتبنا عشرات المقالات على الأكونت بهدف تأهيل الشباب لسوق العمل في مختلف المجالات

2- اتطوعنا في كتابة المحتوى في جريدة صدى البلد، SWOT، Free Courses & Books، عافر هتوصل 

3- اتطوعنا في مستشفى جمال عبدالناصر

4- الترجمة على Coursera + Google

5- مدرسين مساعدين على Coursera

6- شاركنا في فريق علامة لترجمة مشروع CS50 التابع لجامعة Harvard.

7- عملنا ندوات في الأسكندرية والقاهرة لنشر الوعي عن التعلم الذاتي

8- حضرنا English conversation clubs مع Native speakers.

الكورسات:

– كورسات German + French من موقع Memrise، وقناة Pod101 على الـYou-tube

– كورسات في التجويد، والفقه على الـ You-tube

– دورة من أنا، ولما أنا لـ د/ عبدالرحمن ذاكر

– كورس HR

– عدد من الأفلام الوثائقية عن البيئة والفضاء

– أكثر من 30 فيديو على منصة TED

– كورس Exploring English – British Council

–  كورسات موقع Coursera من جامعات واشنطن، وكاليفورنيا، وغيرهم.

Tesol – Business English: Networking – Time Management – Grammar & Punctuation – Learning how to learn – Viral Marketing and How to Craft Contagious Content

–  كورسات موقع Udemy

Master polite English – Speak English like a Native

– كورسات موقع إدراك.. (Conversation Skills (3 Parts

– كورسات موقع رواق.. Translation skills

الكتب:

– أول مرة أصلي – 200 يوم حول العالم – مثلث برمودا – لغة الجسد – حوار مع صديقي الملحد

– عشرات الكتب في الترجمة، وكتابة المحتوى، واللغة العربية، والنحو، والتدقيق اللغوي، والمقالات العلمية من مجلات Nature, Discovery 

 وأخيرًا حياتنا العملية

1- عملنا 24 دفعة من online study groups .. والحمدلله كنا سبب في تغيير فكر مئات الشباب من الوطن العربي للأفضل.

2- عملنا دفعتين من تدريب ترجمة عملي.

3- بنشتغل كـ Freelancer Content Creators على عدد من المواقع والصفحات مثل وادي المشمش وstj ومواقع Affiliate.. وغيرهم

4- كنا Team Leaders لمشروع Environeur لإثراء المحتوى العربي البيئي عن طريق ترجمة أكثر من 1700 مقالة 

5- مُتدربين في مجال الـ Affiliate & Marketing تبع مشروع قومي كبير EG-Gate 

 اعمل الحاجة اللي خايف تفشل فيها، خليك شغوف إنك تجرب وتغلط كتير وهتتعلم ف النهاية، وحاوط نفسك بالناس الناجحة عشان تعافر وتكون زيهم، وابعد عن أي حد محبط أو كسلان واشتغل على نفسك، وهو ف يوم م الأيام هيجي يسألك أنت عملت كل ده إزاي! 

وان ليس للإنسان إلا ما سعى

كتب بواسطه دينا القزاز

مقالات ذات صلة

شاهد أيضاً
إغلاق
زر الذهاب إلى الأعلى
إغلاق
إغلاق