تحفيزيمصطفى زغبيمقالاتمقالات الاعضاءنصائح

ما يعلمه الأغنياء لأبنائهم عن المال ولا يعلمه الفقراء لأبنائهم !!

ملخص
” كتاب الاب الغنى والاب الفقير”
(( ما يعلمه الأغنياء لأبنائهم عن المال ولا يعلمه الفقراء لأبنائهم))
الكتاب دا بأختصار من لطيف جدا لأى حد مبتدأ عاوز يبدء بيزنس أو يبقى معاها فلوس
الكتاب بيحكى عن
شخص ابوه ” الفقير ” هو ابوه الحقيقى والأب دا معاه دكتوراه ومتعلم ومثقف جدا 🙂 وكمان محاضر فى جامعة كبيرة فى امريكا ، والاب” الغنى” هو ابو صديقه وهو اب مش متعلم ( مدخلش مدارس تقرييا )
فبيحكلنا حياة دا ازاى وحياة دا ازاى وازاى المتعلم فقير والغير نتعلم غنى وهل العلم الذى يؤدى للغنى هو العلم الأكاديمي والشهادات ولا اية وهو استفاد اية؟
تلخيص الكتاب هكتبها فى شكل اهم الدروس المستفادة اللى تتعلمها من الكتاب دا هو 3 دوروس :
1- نوع التعليم
– الاب الفقير ” الحاصل على الدكتوراه ” بيحاول يعلم ابنه احسن تعليم يخليه يلاقى ( احسن وظيفة 🙂 )ودا من وجهة نظر الكاتب اللى ارجحه انا كمصطفى زغبي ان الشخص دا فى عالم الاستثمار هيبقى ولا بيعرف اى حاجة ميعرفش يدير مشروع وهيفضل موظف مش هيكبر وهيفضل ديما فى احتياج حتى لو بيقبض 50 الف شهريا لان كل ما بيقبض اكتر احتياجاته بتكبر ( يرتقى فى الوظيفة مثلا فيعوز خدامة، عربية أفخم، شقة اكبر … الخ )
– بس الاب ” الغنى اللى هو متعلمش اسااسا فى مدارس بس اتعلم فى مدرسة الحياة ” بيعلم ابنه احسن تعليم يخليه (يفكر يدير مشروع مش تعليم يخليه يلاقى أفضل وظيفة) و يكون مجرد موظف “

العبرة ( إذا كان كدا كدا لازم تتعلم وتتعب وتبذل مجهود فى التعليم فاتعلم حاجة تخليك صاحب مشروع مش مجرد موظف حتى لو هتبقى أفضل موظف )

2- نوع الشغل
– الاب الفقير ( الحاصل على دكتوراه ) ديما بيدور على وظيفة علشان تجيب فلوس ويصرف الفلوس دى ويفضل كدا فى احتياج ديما للوظيفة علشان يقدر يصرف ” زى الثور فى الساقية ” و ميبقاش ادامه وسيلة الا انه يتعب سنين لينول درجة علمية أكبر فياخد وظيفة اكبر يزيد مرتبه بسيط أو كتير بس مهما زاد فيبقى فى متطلباته اكتر ويفضل زى ما قلنا ثور فى ساقية. لأن لو بقى عميد كلية مثلا هيبقى محتاج بدل كتير عربية كويسة شكل لطيف باختصار فى متطلبات زادات وغطت الزيادة فى المرتب اللى حصله
– الاب الغنى ” ممعهوش مؤهل كبير ” دا راجل ديما مش بيشتغل علشان يجيب فلوس دا راجل الفلوس بتشتغل علشانه 🙂 ” دا راجل بيدور ديما على الاصول ازاى يكبرها او المشروع ازاى يكبر وحتى لو هيبدا من الصفر بس تفكيره ازاى يزود الصفر دا مش انه يجيب ويصرف ويفضل فى نقطة الصفر دا “علشان ميبقاش اب فقير “
العبره اطلع برا قالب الوظيفة وخليك حر واستثمار.. ولو الوظيفة مكانه اجتماعية كويسة مفيش مانع تشتغل فيها بس فى نفس الوقت يكون لك جزء للاستثمار علشان متفضلش كل شهر مستنى اول الشهر علشان المرتب.

3- ازاى تصرف او تدخر الفلوس
بص باختصار الناس 3 طبقات الفقيرة و المتوسطة والغنية.. الفكرة بقى فى ازاى الطبقات دى بتصرف فى فلوسها ودا من أهم أهم أسباب تبقى غنى أو فقير…
– الفقيرة الدخل بتاعها بيغطى بالعافية مصروفاته يعنى بيجيب المرتب من هنا يخرجه من هنا دا أن غطى يعنى مصروفاته

– الطبقة الوسطى دى بتصرف الفلوس ازاى بقى.. بتسد المتطلبات ثم المصروفات ثم اذا تبقى جزء يادوب تحوشه وهيكون فى الاغلب مبلغ صغير.. يعنى تدفع فواتير كهرباء ومياه وايجار واكل ثم مصروفات الكافية و الكماليات ثم اللى يتبقى تحوشه ودول مش بيكبر ا بردوا أو بمعنى أدق مش بيكبروا بسرعة..

– الطبقة الغنية دى بقى اول حاجة بتعملها انها بتزود فى الاصول ( مشاريع او اصول ) وتكبره جدا والاصول دى اللى بتجيب فلوس تانى ويبقى الاولى وقتها تحط الفلوس دى فى اصول تانى وتصرف جزء منه فيكبر ديما رأس مالها وبتالى ثروتها..
يعنى لما يجيله فلوس اول حاجة يعملها يجيب مكنة جديدة أو منتج جديد يبيعه ثم متطلبات حياته ثم مصاريف لو تبقى

ملخص الملخص اتعلم علم يخليك تدير مشروع مش تحصل على وظيفة زود اصولك الاول علشان تشتغل بدالك وتجبلك دخل اكبر متصرف الاول ثم الباقى اصول ، اتعلم اى مبلغ يتصرف بالاولوية اصول ثم متطلبات ثم مصروفات اللى بيمشى عكس كدا بيفضل فى مكانه مبيكبرش !

مقالات ذات صلة

اترك تعليقاً

زر الذهاب إلى الأعلى
إغلاق
إغلاق