تحفيزيمحمد المالكيمقالاتمقالات الاعضاءنصائح

إيه السبب اللي بيخلينا نكسل ؟

– محمد واحمد راحوا زي اي اتنين اصحاب عاوزين يعملوا فورمة الساحل الجيم ودفعوا الاشتراك لمدة سنة عشان يظبطوا الفورمة وبدأوا يتمرنوا ولكن بعد شهرين بدأوا يطلعوا بأعذار ومابقوش بيروحوا.

-سعاد عاوزة تتعلم لغة (وليكن انجليزي) ف اكيد مش هتروح لوحدها….. ف قالت لصاحبتها امينة انها تروح معاها عشان تشجعها وبالفعل بدأوا يروحوا واخدوا مستوي واتنين ومع دخول الدراسة كسوا ومابقوش بيروحوا.

طبعا الامثلة دي كتير وبتلمس ناس كتير مننا ف حاجات كتير بس عمرنا مادورنا ع السبب آللي بيخلي الانشطة الجديدة دي تقيلة علي قلبك كدة

علماء النفس لما فسروا سبب الكسل بعد بدأ اي نشاط هو ان فيه حاجة ف جسم الإنسان اسمها (will power) او قوة الإرادة وحاجة اسمها (motive) اللي هو الدافع لعمل شيئ وللأسف الشديد ان قوة الإرادة دي مش دايمة بمعني ان المحفز ليها بيقل مع مرور الوقت لظهور اهتمامات تانية ليك بتسحب قوة الإرادة دي من الحاجة اللي قبلها وبالتالي تلاقي نفسك مش عاوز تعملها بل ومخك يبدأ يختلق ليك الأعذار اللي فعلا تقنعك انك مش هتنجح ف عمل الشيئ ده ولازم تبدأ تعمل غيره.

طيب ازاي اقدر اكمل حاجة للآخر وانجح فيها….
مبدأياً كدة حط ف دماغك ان اي حاجة ليها علاقة بجسمك بتاخد وقت عقبال مامخك يتعرف عليها ويبدأ يعمل بأثرها ونتايجها ف بالتالي اول حاجة لازم نشتغل عليها هو موضوع الصبر وان النتايج هتيجي هتيجي بس مع مرور الوقت

تاني حاجة بقي الا وهو ازاي ازود will power او قوة الإرادة دي عشان احقق المطلوب…. خليني اقولك اننا مش هنستخدمها اطلاقا ف اي حاجة وهنستبدلها بكلمة بسيطة جدا الا وهي “العادة” بمعني اننا مش هنركز ع الهدف اكتر ما هنركز ان الطريق للهدف ده يكون عادة يومية بتحصل ف حياتك وبالتالي مع الوقت جسمك وعقلك قبل جسمك يقتنع ان ده روتين يومي هيبذل له مجهود ف البداية وبعدها هيبقي عادي ف يبدأ يستجيب للمجهود المبذول وهتلاقي النتيجة اللي انت عاوزها

ف النهاية احب اقولك…..رتب اولوياتك من جديد وابدأ بتكرار طريق الهدف بتاعك سواء جيم او لغة او كورسات او اي شيئ وحوله لعادة عندك وصدقني بعذد مرور فترة من الوقت (طبعا هتكون نسبية علي حسب مجهودك وطبيعة الحاجة اللي بتتعلمها أساسا) هتوصل للي انت عاوزه وهتفضل تكرر فيه ومش هتحس بأي تعب او كسل بعدها

وللي بيحبوا القراءة…. انصح جدا بكتاب قوة العادات (او power of habits) للي عاوزه بالانجليزي هيفهمك اكتر عن ازاي تحول اي نشاط لعادة ف يومك ماتِملش منها ابدا

مقالات ذات صلة

اترك تعليقاً

زر الذهاب إلى الأعلى
إغلاق
إغلاق