ليه الانجليزي عُقدة ف حياتك رغم انه سهل

الانجليزي مش مجرد كلمات بتتحفظ وقواعد بتتفهم وخلاص وكتب كتير عشان اعرف الحاجات دي 

فيه تشبيه دايما بحب اقوله ان الانجليزي عامل زي العُقد بمعني ان ماينفعش تشوف شكل العُقد ده جميل وحلو الا لو كان مترابط مع بعضه ومنسق ومصروف عليه ويستحق تمنه

الانجليزي زي العقد من ناحية ان:

1- ان الخرز بتاع العقد ده هي الكلمات اللي حضرتك حافظها او الجمل اللي بتستخدمها في مواقف معينة ف بالتالي لازم تحفظ منهل كتير واهم حاجة تكون مستخدمة مش مجرد كلمات مش مستخدمة حديثاً زي م المعظم بيعمل

2- طبعا الخرز ده عاوز حبل يربطه ببعضه….ف الحبل اللي موجود ف اللغة هو الجرامرأوالقواعد ف بالتالي لازم تكون علب دراية ووعي كامل بالقواعد (ك ممارسة واستخدام مش مجرد حفظ للform او تكوين الجملة بس) وتتعود تستخدمها عشان بعد كدة تطلع منك بشكل لاواعي وماتتنسيش تاني

3- طبعا العقد ده محتاج الوان…. والالوان ف اللغة هي الاصوات اللي موجودة…..والاصوات اللي موجودة هنا معظمها ثابت علي المستوى العالمي (لو هنتكلم عن النطق الأمريكي او البريطاني او او او) بس طبعا انت براحتك تتعلم النطق اللي انت عاوزه ف انت محتاج تذاكر طريقة او آلية نطق الاصوات دي وبالتدريب عليها عشان تطلع بالطريقة والشكل اللي انت عاوزه

4- وأخيراً العقد الجميل ده قبل ما بيتعمل محتاج تصميم او شكل تشتغل عليه…. وطبعا عشان تستوحي شكل جديد محتاج انك تتفرج وتتعرف كتييييير جدا علي تصميمات كتير.. .عشان تستوحي الالوان والتصميم ف اللغة لازم تهتم بأهم شيئ بقي الا وهو الاستماع اوlistening وم الاخر انت محتاج تسمع كتييييير جدا جدا عشان تتعود تنطق زيهم وتشوف الناس دي بتتكلم ازاي عشان لما تذاكر الاصوات اللي قولنا عليها فوق.

أخيراً…..انت مش هتعرف تتكلم اي لغة من غير ما تصنع العقد الخاص بيك….. هتفضل تذاكر كل مكون لوحده…. صدقني هتتعلم بس هتاخد وقت كبير جدا عقبال ما تجمعهم تاني سوا وتطلع النتيجة اللي بتتمناها من زمن