تحفيزيمحمد المالكيمقالاتمقالات الاعضاء

التجارب الشخصيه VS التجارب العلميه

– معلومات تهمك جدا لو قررت تتعلم انجليزى.
قبل ما أقولك على المعلومات المهمة خلينا نعرف شوية حاجات .
– أولا ماهو العلم : طبقا لويكبيديا فالعلم هو “الاعتقاد الجازم المطابق للواقع وحصول صورة الشيء في العقل”.
– ثانيا: تعريف كلمة “المشكلة ” : المشكلة بتتوجد لما يكون فقط فية فرق بين الحاجات الفعلية اللى بتحصل وبتتحقق وبين النتائج المرغوب تحقيقها ، يعنى فيه فجوة. ده بأعتبار انت محدد اصلا انت عايز ايه وهتعمله ازاى .
– ثالثا تعريف الشكوى : لما انت متبقاش عارف انت عايز تحقق ايه اصلا او متبقاش عارف الطريق السليم لتحقيق حاجة فهنا بتظهر الشكوى والشكوى بتبقى عبارة عن إستهلاك طاقة على الفاضى ودة نتيجة انك مش عارف انت عايز ايه اصلا .
===========================
المعلومات بقى اللى يهمك تعرفها .
1- طبقا للى فات نستنتج ان اى علم عشان تبقى كويس فيه ليه مجموعة خطوات بتدرسها وبطبقها وفى الاخر بتحترف العلم دة.
2- كنتيجة للى فات الانجليزى نفس الوضع ليه مجموعة قواعد عشان تتقنه و تتكلمه .
كمثال : علم الكيمياء لو حطينا عنصر A مع عنصر B هيدينا مركب AB مش هيدينا مركب جديد ولا حاجة ليه بقى….. “عشان حاجة متجربة مليون مرة بناءً على علم و من صفات التجربة العلمية إنها لازم كل مرة نعمل نفس التجربة نحصل على نفس النتائج”
3- نستنتج من اللى فات النقطة دى ” أوعى تاخد تجارب شخصية لحد وتبتدى تطبقها “صدقنى هتلبس فى الحيط ” “خليك مع العلم”
===========================
– النقطة الرابعة والاهم : كنتيجة للى فات نستنتج ان تظبيط الشغل أهم من الشغل نفسه ” أفهم الأول تذاكر ازاى قبل أصلا ماتروح تجيب ماتريال وفى حالة انك بتاخد كورس أسأل بالتفصيل المكان أذاكر ازاى؟ وكمان أفهم ليه بتذاكر بالطريقة دى ” مش معقول هتسلخ قبل ما تدبح ” أفهم بتذاكر ازاى الاول”
كمثال : انت مطلوب منك تتعرض لعدد ساعات من الأستماع بيتراوح من 300 لحد 350 ساعة ” ده كلام علم ” يعنى حاجة متجربة هتديك نتايج يعنى بالبلدي” خلصانة بشياكة “
أمثلة تانى : المفروض تفهم ازاى اصلا بتحفظ كلمات وأزاى بذاكر كلمات
– أفهم ازاى تذاكر جرامر والاهم من مذاكرته أفهم ازاى اصلا تقدر تطبقة ومتنسهوش فى وسط الكلام
– أفهم أزاى بتذاكر Listening “عشان تعرف ازاى تسمع وتطلع نتائج “
– أعرف ازاى بتذاكر Pronunciation .
– أعرف يعنى ايه “طلاقة” فى الكلام علشان تعرف ازاى توصلها .
-أعرف اية الصفات اللى المفروض تتوفر فى الماتريال اللى انت هتذاكر منها عشان تحقق الهدف.
======================================

أخيرا : لو انت قررت تاخد تجارب شخصية أو تمشى بدماغك وتنفض للعلم او تدوس فى الموضوع وأنت مش فاهم الدنيا ، ايه بقى النتائج المترتبة على ده؟
هنا هتظهر “المشكلة” (راجع تعريف المشكلة) ولو معرفتش الحل هنا هتتنقل للمرحلة التانية “الشكوى ” وهتردد الكلام اللى كل مدرس انجليزى تعب نفسيا وهوة بيسمعة
1- مستر انا بسمع بفهم بس مش بعرف اتكلم …….
2- مستر انا بعرف جرامر بس بنساة فى نص الكلام إلخ………..

مقالات ذات صلة

شاهد أيضاً
إغلاق
زر الذهاب إلى الأعلى
إغلاق
إغلاق