تحفيزيمحمد المالكيمقالاتمقالات الاعضاءنصائح

اهم قاعده لتعلم الإنجليزيه

سيكولوجية دماغ الانسان بتعتمد بشكل كبير على التأقلم بمعني انك ماينفعش تجبر مخك علي دخول معلومة محدد بقوة او باجبار
لان ببساطة هقولك تشبيه بسيط…..

وانت ف الجيم اول مابتروح الحماس بيبقي واخدك وانت بتبقي معتقد انك اول ما تشد علي نفسك وتلعب اوزان تقيلة كدة عضلاتك هتكبر وجسمك هيشد….. يس العكس هو اللي بيحصل وهو انك بعد ما بتخلص التمرين وتروح جسمك بيشد ومابتبقاش قادر تشيل نفسك وتقرر ماتروحش تاني

ده بالظبط اللي بيحصل لمخك انك بتجبره انه يتعلم انجليزي بقوة ومن غير تمرين ف بالتالي بيتم اجهاده وبيفصل منك وتحس ان مفيش فايدة….. ماينفعش تيجي اول يوم مذاكرة او كورس مثلا وانك تسمع فيلم او اغنية بيتكلموا بسرعة لا المفروض تسمع حاجة بطيئة جدا ومرة واتنين وتلاتة وعشرة بعد كدة تبدأ تزود السرعة تدريجيا
ماتسمعش كلام الناس اللي تقولك اسمع كتير وحاجات مختلفة ….. لا اسمع حاجة واحدة مرات كتير وظبطها وخلي مخك يتعود عليها وبعدين حول علي غيرها 

اهم حاجة ف الموضوع الصبر يعني ماتملش وتقول انا زهقت وكفاية كدة انا سمعته كتير ….لا باشا لو ماكسرتش جو الروتين ده عمرك ما هتتعلم اللغة دي اللي تعتبر اسهل لغة ف العالم

بكدة انت مرنت مخك وودنك وكدة يقدر يستوعب اي سرعة حتي السريعة بكل سهولة ومن غير اي متاعب

مقالات ذات صلة

شاهد أيضاً
إغلاق
زر الذهاب إلى الأعلى
إغلاق
إغلاق