متنوعمحمد المالكيمقالاتمقالات الاعضاء

هل انت من تقود عقلك للتفكير ام العكس؟!!

من اجمل المقالات اللي قرأتها عن العقل 
للعالمي: احمد ناصر (الجوكر 
======================================

هل العقل نعمة ؟

مشكلة العقل إن صاحبه مبيملكش التحكم الكامل فيه
تحس إن العقل ليه إرادة مستقلة عن إرادة صاحبه ، وأحيانا الإرادتين دول بيبقى بينهم صراع على مين اللي يمشي كلمته

فتلاقي مثلا موضوع نط في دماغك فجأة ، وعقلك بدأ يفكر فيه
وتكون انت مش عايز تفكر في الموضوع ده ، لكن معندكش أوبشن إنك توقف عقلك
فتبدأ تحارب إرادة عقلك في التفكير في الموضوع بإنك تسحله معاك في لعبة ، أو فيلم ، أو أيا كان ..
بس الملفت بقى إن ساعات عقلك بيقاوم إرادتك دي ، ويسيبك ويرجع يفكر في الموضوع اللي انت بتهرب من التفكير فيه ده
فتفوق تلاقي نفسك فاتك مشهد من الفيلم ، أو خسرت في اللعبة اللي بتلعبها ..

ولاحظ إن الصراع ده مختلف عن صراع الخير والشر اللي بيدور جواك كل ما تكون عاوز تعمل حاجه غلط
لإن في صراع الخير والشر ده انت بيبقي جواك إرادتين واعيتين
جزء منك عايز يعمل الحاجه الغلط ، وعارف هو عايز يعملها ليه
وجزء منك مش عايز يعملها ، وعارف هو مش عايز يعملها ليه

لكن في حالة المثال اللي ذكرناه .. انت إرادتك الواعية هي إنك مش عايز تفكر في الموضوع ده ؛ لإن التفكير فيه -مثلا- مؤذي نفسيا
لكن إرادة عقلك إنه يفكر في الموضوع ده مش رغبة واعية جواك … يعني مفيش صوت جواك بيقولك “تعالى نفكر في الموضوع ده عشان كذا كذا”
لأ ده عقلك -حرفيا- بيجرجرك وراه من غير ما يتناقش معاك ولا يبررلك … تحس إن عقلك ده كلب إجابات
آه والله زمبئولك كده … كلب إجابات

تلاقي مثلا واحد مرتاح مع استنتاج او معتقد معين ، وحياته ماشية تمام
وأول ما تظهر إشارة إن المعتقد أو الاستنتاج ده غلط .. عقله يقوله طريق السلامة انت ، ويطلع يجري ورا الحقيقة
حتى لو كانت كل الاحتمالات التانية مش حلوة ، وانت شخصيا مش حابب إن الحقيقة تكون إحتمال منهم

بصراحة الحقيقة أقوي مني ومنك … والبشر بشكل عام مش عارفين يوقفوا الموتسيكل

مقالات ذات صلة

زر الذهاب إلى الأعلى
إغلاق
إغلاق