سبب فشل الناس في تحدث اللغة الانجليزية بطلاقة

في المقالة دي هنتكلم عن سبب فشل ناس كتير في تحدث اللغة الانجليزية بطلاقة واللي بيرجع ل13 سبب وهنوفرلك نصايح ممكن تساعدك في تعلم اللغة واتقانها بشكل كبير.

اسباب فشل الناس في تحدث اللغة الانجليزية بطلاقة

تحدث اللغة الانجليزية بطلاقة

1-عشان طبيعة اللغة انها بتاخد وقت كبير مبيقلش عن ال 8 شهور والناس بشكل عام معندهاش القدرة انها تذاكر لمدة 8 شهور متواصلين
2-عشان فكرة انك تعمل نفس الحاجة كل يوم لمدة 8 شهور محتاجة حد ارادتة جباااااااااااارة
3-عشان كمية المشتتات اللى موجودة فى حياتنا واللى دايما بتبعدك عن هدفك زى الفيس بوك والواتس اب .
4-عشان الناس مبتبقاش مؤمنة بنفسها اصلا انها هتقدر تتكلم بطلاقة فى يوم من الايام .

5-عشان انك تقضى وقت على القهوة مع صحابك اهم بكتير اوى من انك تطور نفسك.
6-عشان الانجليزى مفيهوش نتائج سريعة وانت دايما مستعجل.
7-عشان الطرق الغلط اللى انت بتستعملها.
8-عشان لسة مصر على انك تروح تاخد كورس فى شهادة معتمدة بغض النظر عن انك فعلا هتتعلم اولا لأ ، دة غير ان اصلا مفيش حاجة اسمها شهادة معتمدة .
9-عشان كل يوم عمال تقول بكرة وتأجل وتسوف لغاية ما بقيت محترف فى المماطلة ، مع العلم ان النهاردة هوة بكرة اللى انتا كنت بتتكلم علية .
10-عشان انت ضعيف اوى لدرجة انك مش قادر تتحكم فى نفسك وتقدر تقعد تذاكر 3 ساعات.

ثلاث اسباب اخري

11-عشان مستنى شكلك يبقى وحش اوى فى الانترفيو “مستنى تاخد القلم ” وبعدها تفتكر انك تتعلم.
12-عشان كل يوم هتقعد تطلع بحجة جديدة تضحك بيها على نفسك
وكل ما تكبر كل ما بتدور على حجج أكتر لحد ماهتبقى بطل العالم فى الاعذار فى الحجج .
العمر هيجرى منك وانتا لسة بتدور على حجج . (انتا عارف لو استغليت الوقت اللى بتستعملة فى انك تضحك نفسك بحجج جديدة كان زمان حياتك اتغيرت.
13-عشان مش مستعد تلتزم
فى جملة مضحكة بتقولك ” السنة دى انا هعمل الحاجات اللى معملتهاش السنة اللى فاتت، واللة خططت لها السنة اللى قبل اللى فاتت، واللى فكرت فيها السنة اللى قبل قبل اللى فاتت، ولم أنجز منها شيئا حتى الان “

طيب مفهوم الالتزام ايه
” الالتزام هو انك تدفع نفسك بنفسك الى الامام , فى الوقت اللى مفيش حد حواليك بيشجعك”
ف لو انت مش مستعد من البداية انك تلتزم ف ماتضيعش وقتك فى الكلام عن انك تتكلم انجليزى .

نصائح لتعلم الانجليزية

عشان نتعلم اللغة بشكل صحيح وسليم لازم نركز علي 4 حاجات وهما الاساس في تعلم اي لغة عموماً مش شرط الانجليزية لانهم بساعدونا نمارس اللغة, وهما الاستماع و القراءة والكتابة والتحدث.

الاستماع للغة

السمع للغة عموماً من خلال برامج او مسلسلات بيساعدك تركز علي الكلمات ال انت حفظتها و كمان تعرف كلمات جديدة ومصطلحات ممكن متكنش سمعتها قبل كدة.

ده غير انه هيساعدك تحسن قواعد اللغة عندك وتعرف تنطق الكلمات صح لانك بتسماعها من المتحدثين بيها اصلاً.

القراءة

القراءة هتزود حصيلة الكلمات عندك واللغة ما هي إلا كلمات و قواعد والقراءة هي تعتبر طريقة اسهل من الاستماع في ده انت بتعرف الكلمة ال مش فاهمها و بتبحث عنها علي طول.

الكتابة

في الكتابة انت بطبق كل حاجه اتعلمتها من القراءة والاستماع القواعد والكلمات و المصطلحات الجديدة وبكدة بتكون متأكد انك مش هتنساهم.

التحدث

هي تاني حاجه بطبق فيها علي ال اتعلمته.
والحلو في التحدث ان في دلوقتي تطبيقات كتير هدفها انها تربط الناس ال اللغة الانجليزية هي اللغة الاولي بالناس ال عايزة تتعلمها.
في بعض التطبيقات بتكون لازم تفع فيها و في حاجات تانية مجاناً.

اقرأ ايضاً:

افضل نصائح عن كيفية تعلم الانجليزية
تعلم اللغة الألمانية للمبتدئين من الصفر الى الاحتراف مقدمة من قناة طليق 2020
تعلم اللغة الانجليزية من الصفر: ليه مش بعرف اتكلم انجلش ؟