مراحل تعلم اللغه الانجليزيه وما هي الخطوات لإتقانها
في المقالة دي هنتكلم عن مراحل تعلم اللغه الانجليزيه وايه هي الخطوات المفروض اعملها عشان اتقن اللغة دي اتقان تام.
من المعروف ان لغة التعامل بين الناس عالمياً هي الانجليزية وبالرغم من ده ناس كتير بتواجه مشاكل في تعلمها عشان كده هنتكلم عن المراحل ال انت بتمر بيها خلال تعلمها وايه الخطوات المفروض تعملها.
مراحل تعلم اللغه الانجليزيه
المرحلة الاولى “مرحلة الاحباط”:
فى المرحلة دى بتكون كل حاجة صعبة وانت غالبا بتكون مستصعب الموضوع والامل بيكون ضعيف جدا وبتبص للأنجليزى على انو حاجة مستحيلة انك تتعلمها “حاول تعرف وتتقبل ان اصعب حاجة دايما هيا البدايات ” ودى بتقعد من 20 لحد 30 يوم.
المرحلة التانية “واضح ان فية أمل”
هنا انت الى حد ما ابتديت تقول كام جملة وكام كلمة ولأول مرة تحس ان الموضوع مش مستحيل ودى بتبدى من بداية الشهر التانى لتعلم اللغة .
المرحلة التالتة: “انا بتقدم”
وهنا أنت بتحس بتقدم معقول نسبيا وبتبدى تحس انك ماشى على الطريق الصحيح وبتبتدى تكتسب بعض الثقة
المرحلة الرابعة ” التقدم البطيئ” :
فى المرحلة دى انتا بتتقدم بس التقدم بيكون بطيئ ودة متعارض مع طبيعيتنا البشرية اللى بتحب النتائج السريعة ودة بينقلنا للمرحلة الصعبة وهيا مرحلة :
المرحلة الخامسة ” مرحلة الملل والاحباط” :
لازم لازم تمر بيها وهنا انت بتواجة أصعب واعظم تحدى فى حياتك
الاختيار الاول: أما انك تقول انا انسان ضعيف ومش هقدر أكمل
الاختيار التانى: ياتقول انا هعافر وهكمل وهتكلم يعنى هتكلم ” القرار قرارك”
المرحلة السادسة “الثقة الحذرة” :
هنا انتا فعلا بتبتدى تقف على ارض صلبة من حيث قوة اللغة عندك وفى نفس الوقت بيبقى فية شوية احباط وهنا اقدر اقولك مبروك عليك لأنك وصلت للمرحلة دى ، لأن معظم الناس لما بتوصل بتستسلم فيها .”مبروك عليك”
المرحلة السابعة في مراحل تعلم اللغه الانجليزيه ” الله عليا انا بتقدم “
هنا انت ابتديت تحط رجلك على اول مراحل الثقة وابتيدت تتكلم ببعض الطلاقة
المرحلة التامنة ” الاحباط مرة تانية ” :
وهنا انت هتشوف عيل ملزق فى المترو بيتكلم انجليزى بطلاقة وأكسنت ممتازة فتحبط جدا جدا وغالبا هتقعد اسبوع محبط ” بس انتا اقوى من كدة “
المرحلة التاسعة ” المعافرة” :
هنا انت بتقرر تحارب أكتر وتذاكر أكتر وفى المرحلة دى انتا فعلا بتوصل لمرحلة كويسة جدا جدا فى تعلم اللغة
المرحلة العاشرة : “الغرور” :
هنا انت فعلا نقدر عليك نقول عليك انتا بقيت fluent فى الانجليزى بس خد بالك الانجليزى من الحاجات اللى التعلم فيها مستمر يعنى متقفش وتقول انا بقيت عالمى والا هتاخد درس محترم تانى “زى بتاع المترو كدة” خلى عملية التعلم مستمرة
المرحلة الاخيرة في مراحل تعلم اللغه الانجليزيه “مرحلة الوحش”:
مبروك عليك انتا كدة وصلت لمرحلة تسمحلك انك تشتغل فى اى شركة انترناشيونال
طيب ايه بقي الخطوات المفروض اعملها
خطوات من اجل تعلم اللغه الانجليزيه
1- حفظ الكلمات
لتعلم اي لغة لازم تحفظ كلماتها وممكن تفتكر انها موضوع صعب عشان كلمات اللغة الانجليزية ممكن يوصل ل 30 الف كلمة.
في الحقيقة مش لازم تحفظهم كلهم لان الدراسات بتأكد انه عشان تكلم لغة محتاج 1700 كلمة بس.
2- تعلم القواعد
ناس كتير ممكن تقولك انك مش مهم تهتم بالقواعد ولكن القواعد هي شئ اساسي في تعلم اي لغة, عشان كدا ابدأ اتعلم القواعد الاول و اتقنها.
3- الاستماع
هتحتاج دايماً تسمع اللغة الانجليزية عشان تقدر تربط ما بين الكلمات ال حفظتها واللي بتسمعها وتعرف نطقها الصح.
وممكن تعمل ده من خلال انك تسمع افلام وبرامج اجنبية
4- التحدث
اتكلم بالانجلزية مع اي حد من خلال التطبيقات او من خلال مدرسين الانجليزية حتي لو في ناس اتريقت متلتفتش ليهم.
اقرأ ايضاً:
افضل نصائح عن كيفية تعلم الانجليزية
نصائح لحياة افضل: 20 نصيحة لازم تعرفهم
تعلم اللغة ألاسبانية للمبتدئين مقدمة من قناة طليق 2020