يعني إيه كلمة براند Brand؟

أول مقاله في التسويق الشخصي Personal Branding خلونا قبل ما نتكلّم عن البراند الشخصي نبدأ الأول بتعريف البراند نفسه.

يعني إيه كلمة براند Brand؟

لما أقول القميص ده براند، ده بيمثّل لك إيه؟ البراند ممكن نقول تعريفه بإن هو مجموعة المشاعر والأفكار إللي بتيجي في بالك بما بتسمع اسم شركة أو تشوف اللوجو بتاعهم. وعشان نقرّب المعنى ممكن نطبّق الجملة دي على بعض البراندات…
TEData
Apple
سيناكولا
Red Bull
أهو البراند هو شعورك تجاه كل اسم من دول
هتلاحظ من الأمثلة إن البراند مش معناه دايماً حاجة إيجابية، ممكن تكون حاجة سلبية بسبب “سمعة” البراند وتجربتك معاه. وعشان كده احنا عايزين الـ Personal Brand بتاعنا يكون إيجابي، الناس تتكلّم عننا بشكل إيجابي لما تيجي سيرتنا.
الـ Branding ليه مستويين… الأول إن لما يتقال اسمك الناس تعرف مجالك، التاني إن لما يتقال اسم مجالك تكون أنت أول واحد الناس تفتكره، وهو ده إللي هنحاول نوصل له سوا في سلسلة المقالات دي إن شاء الله.
من الكلمتين إللي فوق دول… لو قلنا إيه هو البراند الشخصي؟
باختصار هو الناس بتقول عنك إيه وأنت مش موجود، مش بتكلّم في إنك دمك خفيف ولا رزل، دي حاجات شخصية أنا بتكلّم أكتر عن الجزء البروفيشنال. البراند بتاعك هو سمعتك، متسيبهاش للناس تصنعها… اتحكّم في إللي الناس بتقوله عنك وقدّم نفسك للكل بطريقة احترافية.
أمثلة لناس ليها personal brand زي:
أبوتريكة
الخليل كوميدي
الشيف شربيني
مرتضى منصور
مصطفى كاملم ع قراءتك لكل اسم منهم افتكرت في بالك حاجات مختلفة عن كل شخصية…هنعرف في كل مقال مع بعض tip أو نصيحة صغيرة هتساعد في تكوين الصورة الذهنية عننا عند الناس وهتساعدنا في مجالنا بشكل كبير جداً إن شاء الله.
كتب بواسطة : محمد ابو العنين