محمد أبو العينينمقالاتمقالات الاعضاءنصائح

اسمك ولا اسم الشهره ؟!

بدأنا سلسلة المقالات عن التسويق الشخصي بإننا عرّفنا يعني إيه براند ويعني إيه تسويق شخصي، تقدر ترجع للمقالات في الجزء الخاص بالتسويق الشخصي في أي وقت. النهاردة هنناقش أول نقطة تاخد بيها منها. النقط دي هتطبّقها على كل الأكونتات الخاصة بيك على أي موقع، أي موقع بمعنى الكلمة…Facebook
Twitter
Instagram
YouTube
LinkedIn
Ask. fm
صراحة
TrueCaller أيوه ده كمان يعتبر سوشيال ميديا بالنسبة لك ولازم تظبط ظهورك عليه
وأي موقع ليك عليه أكونتأول حاجة لازم تظبّطها في الـ Personal Brand الخاص بيك هي اسمك… تستخدم اسمك الاحترافي Professional Name
المقصود بيه هو الاسم الرسمي إللي هتتعامل بيه في أي مكان بعد كده، في الـ passport وورق الشغل والجامعة وأي مكان.
رسمي يعني الاسم الأول والاسم الأخير ليك، اسمك واسم العيلة أو الجد الرابع
مثال: محمد أحمد مصطفى الميرغني >>>> يبقى محمد الميرغني
طبعاً ده بيكون الطبيعي بالنسبة الولاد، محدش اسمه محمد أو محمود أو أحمد بيتنده باسمه

*البنات هم إللي بنحتاج نفكّرهم بالنقطة دي أكتر، لإن أغلب البنات أساميهم مميزة وبتتنده باسمها فـ لما بتعمل أكونت ع السوشيال ميديا غالباً بتكتبه باسمها واسم والدها مش اسم العيلة
مثال: شيماء محمود عبدالرحمن مراد >>>> المفروض اسمها الرسمي يكون شيماء مراد مش شيماء محمود
اسمك الاحترافي ده هيكون مُلازم ليك في كل حاجة بعد كده، لما هتشتغل في شركة هيكون الاهتمام دايماً باسم العيلة، إيميلك في الشركة بيكون عبارة عن اسمك الأول واسم العيلة، بل إن أحياناً بيكون أول حرف من اسمك الأول وبعديه اسم العيلة
مثال: مايكل شريف سامي بطرس
إيميل: mbotros@xyz.com أو michael.botros@xyz.com

كتب بواسطة : محمد ابو العنين

مقالات ذات صلة

زر الذهاب إلى الأعلى
إغلاق
إغلاق