محمد أبو العينينمقالاتمقالات الاعضاءنصائح

صورتك وانت ف الساحل ..

تاني حاجة محتاج تاخد بالك منها في الـ Personal Brand الخاص بيك هي صورتك الشخصية
لما نقول إننا عايزين نعمل تسويق شخصي… تفتكر صورة الأكونت بتاعك على مواقع السوشيال ميديا المختلفة المفروض تبقى عاملة إزاي؟
زي صورة البطاقة؟ لأ وحشة أوي
طب زي صورة جواز السفر؟ رسمي وخلفية بيضا؟ لأ بردو أوفر أوي
طب صورة في الساحل بالمايوه؟ لأ مينفعش، الهوا جامد عند صورة الأكونت وممكن يجي لك بردأقول لك أنا المفروض تبقى إزاي… أولاً المفروض تكون لوحدك، مش صورة جماعية مع ناس تانية. أحياناً يضيفك حد حاطط صورته مع أصحابه، فـ أنت لما تشوف الأكونت بتاعه مش عارف هو مين فيهم، متقوليش هعرف من الـ tag عشان مش بيبقى دايماً عامل تاج وحتى لو عامل أنا مش المفروض أقعد أدوّر عليه


تاني حاجة إن الصورة تكون head-shot، يعني جايب وشك مع مسافة بسيطة فوق شعرك، ولغاية الصدر، إلي هو أقدر أعرفك من صورتك بسهولة، لو شوفتك ع اللابتوب وقفلت ونزلت الشارع شفتك أقدر أعرفك.
وبالتالي الصورة المفروض تكون بـ الوضع إللي هشوفك بيه في أي وقت. يعني متحطش صورة كنت مربّي شعرك فيها أوي أو عامل حركة فيه مثلاً وده مش العادي بتاعك، لو أنت على طول مربّي شعرك يبقى تمام. بالنسبة للبنات، متحطيش صورة من فرح بـ full makeup وسواريه واكسسوارات كتير، لو ده العادي بتاعك ودايماً بتخرجي بالـ makeup والإكسسوارات يبقى تمام، لكن لو في الأيام العادية مش بتحطيه يبقى صورة البروفايل هتكون من غيره.زي ما أنت شايف مقلناش إنها صورة formal وبدلة وجرافتة… لأ خالص، دي اسمها مواقع تواصل اجتماعي، ممكن تتصوّر بـ T-shirt عادي أو أي لبس، الفكرة إن الصورة تكون واضحة مفيهاش بوز بطة أو تكشيرة حسام حسن. ويا ريت متبقاش صورة في الحمام

:Dصورة البروفايل دي بقى هتكون متوحّدة على كل الـ accounts بتاعتك على أي موقع.
ليه؟
عشان تكون محافظ على استمرارية واحدة consistency والناس تقدر تعرفك بسهولة، هدفنا من التسويق الشخصي إن الناس تعرفك، فـ سهّل الموضوع عليهم. الذاكرة البصرية visual memory أسهل بكتير من الذاكرة اللفظية أو الكتابية verbal memory، زي لما بتشوف حد وتقول له احنا اتقابلنا قبل كده بس مش فاكر اسمه! فـ أنا لو أعرفك ع الفيسبوك وبعدين روحت على لينكدإن وشفت صورة تانية ليك ممكن مقدرش أعرفك بسهولة لو مش فاكر اسمك…

كتب بواسطه : محمد ابو العنين

مقالات ذات صلة

اترك تعليقاً

زر الذهاب إلى الأعلى
إغلاق
إغلاق