أروى عصاممقالاتمقالات الاعضاءنصائح

الحاج فاروق عامل ازاي خطة ع السوشال ميديا ؟!

صباح الخير يا عم فاروق، سليم قائلًا
يرد عم فاروق: صباح الورد يا أستاذ سليم

أنا مش ناسيك ع فكرة وعارف إنك لسه عايز تفهم ازاي بسوق عن طريق السوشال ميديا، بس مش عايز اعطلك عن جامعتك وإنت بشهمندس أد الدنيا

سليم: بشهمندس ايه بس ي عم فاروق دنا بعيد في سنة تانية لتاني مرة.. كمل كمل لسه فاضل ع المحاضرة ساعة.

عم فاروق: ٢ شاي يا واد يا وزة هنا،

إنت فاكر لما كنت بقولك إنك لازم تعرف أهدافك ايه
واللي في الأصل بتخدم عميلك؟
سليم: أيوة فاكر
عم فاروق:
أهو إنت بتاخد الاهداف دي بقي اللي حددتها وتستخدم السوشال ميديا في تحقيقها أو جزء منها

بمعنى إنك بتعمل استراتيجي للسوشال ميديا عشان تحقق أهدافك الكبيرة بتاعت البيسبس بتاعك

اااه اماااال إنت فاكرني مش عارف البسبس دنا بسبس مان معتبر يكش بس الكرش ده هو اللي مبوظ هيئتي

المهم عشان معطلكش انت بتستخدم السرشال ميديا كأداة بتعملها استراتيجي معتبرة بتحط فيها الآتي:

١. الـ Goals:
أنا عن نفسي عارف أهدافي اني ارضي عميلي واحقق في الموسم مبيعات متقلش عن ربع مليون ج

٢. Social Media Audit:
هو اني براجع كل حاجة ع السوشال ميديا كل حاجة نزلتها ع الجروب والعروض اللي عملتها في اخر ٣ شهور
وبراجع وبراقب شغل المنافسين وبراجع جمهوري واتجاهاته

٣. Objectives:
باخد أهدافي دي بقى واشوف ازاي هطبقها ع السوشال ميديا يعني مثلًا هشتغل ع جروب فيسبوك
ولا انستجرام ولا يوتيوب، طيب وهشوف هحقق الربع مليون دول ازاي وفي وقت اد ايه من خلال السوشال ميديا

٤. Budget:
وبعدين هشوف هدفع كام ع السوشال ميديا لو هعمل إعلانات مدفوعة ولا لو هعمل عروض بقى وجوايز هدفع كام فيها ومشغل معايا الواد وزة بيرد ع الكومنتات بيهبد مني ٢٠٠٠ج إبن الإيه كل شهر

٥. Tactics:
بالك إنت انا برضه مش هدفع ٢٠٠٠ج من جيبي كده وخلاص دنا مخلي الواد وزة عاملي تكتيك إبن لعيبة بيوزع إعلاناته ع كذا مكان وبينزل في مواعيد معينة وكمان مديله فلوس للاعلانات بيعمل إعلانات ع البيدج يكبرهلنا وبيستهدف بقي صح وشغل عالي امااال ايييه

٦. Content Strategy:
انت بتشوف بقي مين الناس اللي هتكلمها والـ Buyer Persona بتاعتك
وأهدافك ايه بقي اللي هنخلي الواد وزة وهو بيكتب محتوى هيعكس اهدافنا دي
وهنكلم الناس بأي لغة وTone
وهنوزع فين بقي المحتوي ده
والمحتوى ده هيكون ازاي يعني هنصور شكل الشقق وننزلها في فيديو ولا هنكتب بوست عادي بنعرض فيه عروضنا ولا إيه

وشوية حبشتكنات كده بقي إدارية وكده بقي يا بني محاضرتك فاتتك

سليم: انا دماغي لفت يا عم فاروق ما توريني مثال طيب ولا استراتيجي عملتها قبل كده؟

كتب بواسطة | أروى عصام

مقالات ذات صلة

شاهد أيضاً
إغلاق
زر الذهاب إلى الأعلى
إغلاق
إغلاق