أحمد طه عطوهمتنوعمقالاتمقالات الاعضاءنصائح

25 سؤال لازم تسألهم لنفسك قبل ما تشطب شقتك

1. ايه الحوائط اللى هتعدلها ؟ ايه الحوائط اللى هتبنيها ؟

2. قاعدة الحمام هتعملها دفن ولا عاديه ؟

3. هتعمل الحوض بركبة ولا بعامود ؟

4. الشطاف بارد بس ولا بارد سخن ؟

5. أماكن السخانات فين ؟ وهل هتركب سخان غاز ولا كهرباء ؟

6. هتعمل شاور ولا بانيو ؟ الغساله في الحمام ولا المطبخ ؟

7. لو بانيو هيكون عادي ولا بشاسيه ؟

8. هتفرش إزاي عشان توزيع الكهربا ؟

9. مكان التليفزيونات فين ؟

10. هتعمل كاميرات ولا لأ ولو هتعملها، هتعملها فين ؟

11. هتعمل جيبسم بورد ولا لأ، ولو هتعمل هيكون اماكنه فين عشان تأسيس الكهرباء ؟

12. لازم تكون عارف اماكن السبوتات وتوزيعها وتدي رسمة الإنارة لصنايعي الجيبسم بورد عشان متلاقيش صاج وانت بتركب السبوت !

13. عايز سيستم تليفونات داخلي ولا لأ ؟ عايز ساوند سيستم ؟

14. السيراميك هتجيبه بلاطات كبيره ولا صغيره ؟ لأن الكبير هتحتاج تمحر الحوائط ويتلزق، الصغير لأ

15. هتعمل ديكور في السيراميك معين ؟ لازم تتحدد من بدري عشان متلاقيش ان الديكور جاي في مكان علب الكهربا !

16. هتعمل اضاءه ليد مخفيه في السيراميك ولا لا ؟

17. هتركب بورسلين ولا سيراميك ؟

18. هتعمل كل الدهانات بلاستيك ولا هتعمل ديكورات ؟

19. هتركب كرانيش ولا لأ ؟ ولو هتركبها هيكون فين اماكنها ؟

20. هتركب تجاليد حوائط بالحجر ؟ وأنهي حيطة بالظبط ؟

21. هتركب باب مصفح ولا باب عادي لباب الشقه ؟

22. هتركب الوميتال ولا PVC ؟

23. هتعمل على الألوميتال شيش حصير ولا لأ ؟ واوتوماتيك ولا مانيوال ؟

24. تقسيمة المطبخ وهل امريكي ولا عادي ؟ وهل هتعمله خشب ولا ألومنيوم ولا PVc ولا HPL ولا Polylac ؟

25.لازم تحدد اماكن التكييفات عشان ممكن تحتاج تدفن الفريون في الارضيه او الحائط ؟ وتعمل للتكيفات اماكن صرف.

كتب بواسطة | أحمد طه عطوه

مقالات ذات صلة

اترك تعليقاً

شاهد أيضاً
إغلاق
زر الذهاب إلى الأعلى
إغلاق
إغلاق