أحمد طه عطوهمقالاتمقالات الاعضاءنصائح

عدو النجاح الاول | التشتت

يمكن من أهم الاسباب اللي بتأخرنا عن تحقيق أهدافنا هي ” التشتت ” وإننا عايزين ننجح في حاجات كتير في وقت واحد، وبنحاول نقنع نفسنا إن دي حاجه كويسه، ولكن الموضوع عكس كدا خالص.

لو انت من الناس اللي إهتماماتها كتير، هتجيب قلم وورقة وتفرغ دماغك من كل الأفكار والحاجات اللي بتعملها واللي عايز تعملها، بعد ما تعمل الخطوه دي هتسأل نفسك سؤال واحد، ايه أهم هدف بالنسبالي دلوقتي؟ الإجابه تكون حاجه واحده فقط.

هتسجل الإجابه الأولي دي، وهتسأل نفسك نفس السؤال تاني، وفي الحاله دي هتختار حاجه كمان انت محتاج ليها فعلاً، وهتكرر علي نفسك السؤال مره ثالثه، يبقي انت معاك دلوقتي 3 أهداف مرتبة بالأولوية.

باقي في الورقه أهداف كتير أكيد، فهتعمل ايه؟ هتطبقها وتحطها في درج المكتب بتاعك، وهتبتدي تشتغل علي نفسك في الثلاث أهداف اللي انت حددتهم، وتوزع وقتك وتفكيرك ومجهودك عليهم، وطبيعي وانت شغال هتلاقي أهداف وأفكار جديدة بتجيلك، هتطلع الورقه وتكتب الافكار دي عشان متنسهاش لحد ما يجي وقتها وكمل طريقك بدون التفات.

لما تخلصهم .. طلع الورقة وعيد كتابة القائمة من جديد وإعادة الأسئلة.

كتب بواسطة | أحمد طه عطوه

مقالات ذات صلة

اترك تعليقاً

زر الذهاب إلى الأعلى
إغلاق
إغلاق