أحمد طه عطوهمقالاتمقالات الاعضاءنصائح

تنفيذ الأرضيات الإيبوكسية (3D)

هنتكلم انهارده عن الأرضيات الايبوكسية (3D) وازي بنفذها وايه مميزاتها وأسعارها ومين الشركات اللي بتنفذ الارضيات دي.

كتير مننا يمكن يكون شاف الأرضيات دي اليومين اللي فاتوا علي صفحات الفيس بوك بس مش عارفين ازاي عملوا الحاجات الجميله دي، الموضوع سهل وبسيط جدا.

في الأول بس عايزين نعرف إن الأرضيات الإيبوكسية دي بتستخدم من عشرات السنين و لكن الجديد هو تطويرها، وبدأنا نستخدمها في تشطيب أرضيات المنازل (أول محاولة لإنتاج الإيبوكسية كانت في سنة 1927 لشركة سويسرية).

⬅إزاي بقي بنفذ الارضيات دي :

1- في الأول لازم تكون الأرضية اللي هنفذ عليها مستويه ونضيفه وخاليه من أي عيوب.
2- طيب لو معندناش أرضيه بالمواصفات دي ؟ هنعمل طبقة لياسه أسمنتية ونمسها بحيث يكون سطحها مستوي تماما.
3- بنشتري المواد اللازمة لتنفيذ الأرضية الإيبوكسية من أي شركة من شركات كيماويات البناء زي شركة CMB مثلاً و هتلاقوا منافذ بيع الشركات دي و الموزعين منتشرة في كل محافظات مصر.
4- هتختار درجات الألوان اللي انت عاوزها من الكتالوج (كارتلة الألوان) و هتعرف الداتا شيت بتاعت المنتج طريقة و نسب الخلط و معدلات الفرد لأنها بتختلف حسب المنتج و الشركة المنتجة.
5- بيكون فيه ناس فنيين متخصصه في تنفيذ الأرضيات دي و تقدر تتفق مع الشركة اللي هتشتري منها الخامات إنهم يبعتولك الصنايعية.
6- الصنايعي بيخلط مواد الإيبوكسي على بعضها و بعدين بيبدأ في فرد طبقات الإيبوكسي بطريقة إحترافية بالممسحة الكاوتش بحيث يقدر يظبط درجات الألوان و الشكل اللي إنت مختاره مسبقاً.
7- الإيبوكسي بيتنفذ على 3 طبقات، أول طبقتين بنظبط من خلالهم درجات الألوان و الطبقة الأخيرة هي الفينيش النهائي بيتم تشطيبها برولة مخصصة للغرض ده.
8- الصنايعي أثناء تنفيذه لطبقات الإيبوكسي بيكون لابس في رجله حذاء مخصص عشان مايبوظش الشغل اللي عمله.

⬅ إيه بقى الأرضيات الـ 3D أو الأرضيلت ثلاثية الأبعاد؟ وإيه الفرق بينها و بين الأرضيات الإيبوكسية؟

ولا أي حاجة، بكل بساطة عشان نعمل أرضية 3d هنبدأ الأول بلصق رسمة 3d مجسمة على سطح الخرسانة و بعدين نعمل فوقها طبقة شفافة من الإيبوكسي فتظهر عندنا النتيجة اللي بنشوفها في الصور أرضية إيبوكسية مجسمة ثلاثية الأبعاد.

⬅ مزايا الأرضيات الإيبوكسية:

• مافيهاش أي فواصل زي باقي أنواع الأرضيات.
• مقاومتها عالية جداً للتآكل و الخدش و الإحتكاك.
• غير منفذة للمياة.
• مقاومة للحرارة.
• بنقدر نتحكم في ألوانها و درجات لمعانها.
• سهلة و سريعة في التنفيذ.
• معامل التمدد الحراري بتاعها قليل
– بنجيب الايبوكسي من اي شركة كيماويات البناء زي ( سيكا – CMP ) ولكن اشهرهم CMP
– الايبوكسي اللي بيلمع بيقال عليه ميتالك ايبوكسي
– سعر المتر منه من 400 – 500 جنيه.

كتب بواسطة | أحمد طه عطوه

مقالات ذات صلة

اترك تعليقاً

زر الذهاب إلى الأعلى
إغلاق
إغلاق