محمد عزيز

إسأل عن محل عم زكى

بتاع المُنظفات فين يا خويا ؟؟؟؟

ده كان سؤال من واحدة ست ماشية في الشارع سألت القهوجي عن بتاع المنظفات،
و هو رد بكل تلقائية و بسرعة جداً و شاورلها على المحل و قالها..
قدام شوية.. على يمينك.. بعد الجامع.. المحل اللي قدامه الشجرة.. إسمه عم زكي يا ست.

فهمت من صيغة السؤال انه المحل الوحيد في الشارع،
و طريقة الرد خليتني انتبه جداً من كتر التفاصيل اللي وصف بيها المحل.

بكُل اهتمام رُحت لحد المحل زيي زي الست اللي سألت.
و المفاجأة إن محل عم زكي مش الوحيد اللي بيبيع منظفات، بالعكس.. ده دُكان صغير جنب محلين كبااااار جداً بيبيعوا نفس المنظفات و يمكن أحسن كمان.

السؤال: هو القهوجي اختار عم زكي ليه و إيه سر اهتمامه إن الست تروح للمحل ده تحديداً ؟

سبت المحل و مشيت بعيد لنهاية الشارع و سألت صاحب محل أدوات كهربائية نفس سؤال الست..
هو فين محل المنظفات لو سمحت ؟
الغريب انه هو كمان وصفلي محل عم زكي

نطلع من البوست ده بإيه ؟

أولاً: ولاء العملاء هو أكبر حملة إعلانية مجانية مستمرة و متجددة للبزنس بتاعك.
و ده تقدر تكسبه باهتمامك بالخدمة أو السلعة بتاعتك و اهتمامك بكل ما يضيف إليها قيمة تنافسية.. مفيش حاجة اسمها انه أقدم محل لأنه لو قديم لكن معاملته وحشة مثلاً محدش هاينصح بيه.

ثالثاً: لما تحب تشتري منظفات إسأل عن محل عم زكي

ثانياً (ركز معايا اللي فاتت كانت ثالثاً):
البوست ده غير مدفوع
ربنا يباركلك يا عم زكي

جملة_مفيدة

بدون_تعقيد

MarketerAziz

كتبه | محمد عزيز

مقالات ذات صلة

زر الذهاب إلى الأعلى
إغلاق
إغلاق