منح

امتي هكون كويس

أمتي هكون كويس ؟ هتكون كويس لما تقدر تشوف نفسك كويس وتقدرها كويس ، لما يكون مصدر ثباتك الأول من جواك مش مستني دعم ديماً من الناس ، هتكون كويس لما تبطل تعاند في طريق غلط ، لما تبطل تدخل في نقاشات عارف أن نتيجتها صفر ، لما تبطل تتعلق بسهوله وتثق في أي حد ، لما تبطل تزعل علي أي حاجة ، لما تقدر تفرق بين أمتي تسكت وأمتي تتكلم ، لما تقدر تفرق بين الوقت اللي لازم تقف تماماً وتبعد من غير تفكير والوقت اللي في فرص تانية ، لما تعرف أمتي تيجي علي نفسك وتسامح وأمتي تضحي ، لما تقدر تواجه بدل ما تهرب،لما تحدد بوضوح ايه اللي بيزعجك وتبعده عن حياتك ، لما تقدر تبعد الحاجات المتعبة اللي ملهاش لازمه وتقولها مع السلامة ، الحاجات اللي دايسه علي قلبك ، لما تكون عارف أن كله بيروح وهيروح وأن مفيش حاجة بتعوض مكان حاجة وأن لازم نتعايش بكُل أريحية مع كل حاجة صعبه بنواجهها وبحب المقطع ده أوي
” هُناك فراغات يتركهآ الراحلون ، فراغات لا يمكن أن تملأها بشخص آخر ، فالفراغ الذي يتركه رحيل الأم لا تملأه حبيبه ، والفراغ الذي تتركه الحبيبه لا يملأه صديق ، والفراغ الذي يتركه صديق لا يملأه صديق آخر ، الأشخاص كالألوان إذا رحل عن حياتك اللون الأحمر قد يهون عليك اللون الأخضر بعض الألم ، لكنه مهما كان مخلصاً لن يصبح أحمر في يوم من الأيام” ف بطل تفكر ف ده أزاي هيرجع وبص للجي وأرمي اللي راح وخلي الجمله دي ف بالك ديماً ” هون عليك ، فكل مادون الجنة دون” أحنا جايين نتعب ومستنيين الراحة في الجنة وبس

كتب بواسطة | آلاء عزت

مقالات ذات صلة

شاهد أيضاً
إغلاق
زر الذهاب إلى الأعلى
إغلاق
إغلاق