أحمد رشادتحفيزيمقالاتمقالات الاعضاء

فشلك الهدف منه انك تكتسب خبره!!

مفيش حد معداش بتجربة مهما كانت قليلة غيرت حاجه فى تفكيره ونظرته للأمور
فى حد كان شايف الدنيا وردى والحياة جميلة طول الوقت وهيبقى بيل جيتس فى نفسه لحد مايصطدم بالواقع وتتغير نظرته دى ويبقى شخص متشائم فى نفسه ومبيقتصرش الأمر عليه هو بس
لا ممكن يبقى قنبلة تشاؤم على كل اللى حواليه

وعلى النقيض واحد كان خايف وقلقان من كل حاجه .. المستقبل دا كان مبهم بالنسباله .. طريق ضلمه خايف يمشيه لحد ما تجيله فرصة تغير من مسار حياته ويبقى إنسان ناجح جدا ومبيقتصرش الأمر عليه هو بس بيكون شعلة تفاؤل لأى حد يقرب منه

فى واحد بيقابل بنت يعجب بيها ويفكر فيها ويكتر كلام معاها لغاية ما توصل معاه لدرجة التعلق المؤقت فيبقى هيموت عليها
فجاة البنت اللى هو متعلق بيها يجيلها ثري عربى فتبيعه بدون تفكير 
فتلاقيه كاره صنف البنات كلهم ومش عايز يرتبط او يتجوز ولو عمل كدا بيكون غالبا شاكك فيها طول الوقت .. اكيد هتسيبنى وتتخلى عنى زى ما اللى قبلها عملت

حد تانى يتعرف على حد يعجب بيها يقرر يتقدم ليها وتلاقيه حياتهم جميلة جدا فتلاقي دايما الشخص دا بيدعو الناس انها تقدم على خطوة الجواز ويقول الله يا جماعه اتجوزو الجواز حلو مع ابتسامه خالد الصاوى وهى مرسومه على وشه 

الناس دى حكمت على الأمور بشكل عام من تجربتهم الخاصة جدا اللى مرو بيها
ودى حاجه غلط جدا لان مش اللى مريت بيه لازم تشوفه تانى
مش لازم اللى عشته تعيشه تانى
كل حاجه بتحصل وهتحصل لينا ليها هدف معين
وكل تجربه من دى بتعلى حاجه فيك وبتغير حاجه فى تفكيرك

فشلك المبكر فى شغل كان الهدف منه انك تكتسب خبره معينه تجهزك انك تشتغل فى مكان اكبر بكتير من اللى انت موجود فيه

نجاحك فى بداية حياتك مش معناه ان دا نتيجة ثابته هتحصل معاك طول الوقت يعنى انت فى تقلب دائم طول الوقت ونجاحك دا كان مكافاة ليك على حاجه انت تعبت فيها مش سبهلله هيا

البنت اللى حبيتها وسابتك مينفعش بسببها تحكم على كل البنات انهم زيها ولا ينفع اصلا تخلى علاقتك ب حد توصل للتعلق الدائم
مينفعش والله ياعم كامل !!

والبنت اللى اتجوزتها وطلعت بنت حلال وبتتقى ربنا فيك دى نعمه كبيرة جدا من ربنا لازم تشكره ليل ونهار عليها عشان فى غيرك مش عنده النعمه دى بس خلي بالك برضو مش كل البطيخ احمر 

كتب بواسطة | أحمد رشاد

مقالات ذات صلة

زر الذهاب إلى الأعلى
إغلاق
إغلاق